«Taza Qazaqstan» jalpyūlttyq ideologiiasy aiasynda Alaköl audany, Aqşi auylynda «Taza Post – Alaköl» ekologiialyq aksiiasy ūiymdastyryldy.
Is-şaranyŋ basty maqsaty – Alaköl kölınıŋ tabiǧi tazalyǧyn saqtau, qorşaǧan ortaǧa jauapkerşılıkpen qarau mädenietın qalyptastyru jäne demaluşylardy tabiǧatty qorǧauǧa baǧyttalǧan naqty ıske tartu. Ekologiialyq bastama arqyly köl jaǧalauyndaǧy tazalyqty qamtamasyz etu, tabiǧi aumaqty tūrmystyq qaldyqtardan tazartu jäne tūrǧyndar men demaluşylardyŋ ekologiialyq mädenietın arttyru közdeldı.
Aksiia barysynda arnaiy nükte ūiymdastyrylyp, demaluşylarǧa ekologiialyq boks türındegı qajettı qūraldar ūsynyldy. Bokstardyŋ qūramyna qoqys jinauǧa arnalǧan qolǧaptar men qaptar engızılıp, balalar üşın şaǧyn syilyqtar da qarastyryldy.
Qatysuşylar berılgen qūraldardy paidalana otyryp, Alaköl kölınıŋ jaǧalauy men oǧan ırgeles aumaqtardaǧy şaşylǧan tūrmystyq qaldyqtardy jinap, tazalyq jūmystaryna atsalysty. Demaluşylardyŋ belsendı qatysuy qorşaǧan ortany taza ūstau mäselesıne degen jauapkerşılıktıŋ joǧary ekenın körsettı.
- Is-şara barysynda qatysuşylarǧa qorşaǧan ortany lastamau, qoqysty arnaiy oryndarǧa tastau jäne demalys oryndaryn bastapqy tazalyq küiınde saqtau jönınde tüsındıru jūmystary jürgızıldı. Būl rette aksiia tek bır kündık tazalyq jūmystarymen şektelmei, ekologiialyq jauapkerşılıktı kündelıktı ädetke ainaldyruǧa baǧyttaldy, – dep atap öttı Jetısu oblysy boiynşa «Qazaqstan studentterınıŋ aliansy» ombudsmenı Qyzaibai Aqerke Dosymhanqyzy.
«Taza Post – Alaköl» aksiiasy aiasynda jürgızılgen jūmystar nätijesınde köl jaǧalauynyŋ bırqatar aumaqtary qoqystan tazartylyp, demalys ornynyŋ sanitarlyq jäne estetikalyq jaǧdaiyn jaqsartuǧa üles qosyldy.
