23 tamyzda Qazaqstanda bır palataly Parlament – Qūryltai deputattarynyŋ sailauy ötedı, dep habarlaidy "Adyrna" tılşısı.
Būl – jaŋa Konstitusiia qabyldanǧannan keiıngı alǧaşqy parlamenttık sailau.
22 tamyz – Tynyştyq künı. Būl künı ügıt-nasihat jürgızuge, kandidattar men partiialardy qoldauǧa şaqyratyn materialdar jariialauǧa jäne äleumettık jelıde mūndai jazbalardy repost jasauǧa bolmaidy. Būǧan deiın jariialanǧan jazbalardy öşıru mındettı emes.
Sailau uchaskelerı 23 tamyzda saǧat 07:00-den 20:00-ge deiın jūmys ısteidı. Keibır äskeri bölımderdegı 107 uchaske saǧat 06:00-de aşylady.
Öz sailau uchaskeŋızdı gov.kz, sailau.gov.kz, sailau2026.gov.kz saittarynan nemese eGov Mobile qosymşasynan tekseruge bolady.
Dauys beru biulletenınde 7 saiasi partiia jäne «Barlyǧyna qarsymyn» degen nūsqa bolady. Taŋdaǧan nūsqaŋyzdyŋ janyna bır belgı qoiu qajet.
Toltyrylǧan biulletendı suretke nemese videoǧa tüsırıp, jariialauǧa bolmaidy. Būl dauys beru qūpiiasyn būzu jäne ügıt-nasihat retınde baǧalanuy mümkın.
Sailauǧa 18 jasqa tolǧan Qazaqstan azamattary qatysa alady. Densaulyǧyna bailanysty uchaskege bara almaityn azamattar üide dauys beru mümkındıgın paidalana alady. Al şeteldegı qazaqstandyqtar elşılıkter men konsuldyqtar janyndaǧy sailau uchaskelerınde dauys bere alady.
Ügıt jürgızuge tyiym salynǧan kezeŋdegı zaŋ būzuşylyq üşın 15-ten 35 AEK-ke deiın aiyppūl qarastyrylǧan.
