«Qyz Jıbek» körkem filmınıŋ keiıpkerlerınıŋ kostiumderın kigen jūp Oraldaǧy sailau uchaskelerınıŋ bırıne keldı. Keiın olardyŋ obrazdan şyqpai dauys beruge kelgen Jastar teatrynyŋ akterlerı ekenı belgılı boldy.
Säukele, syŋǧyrlaǧan äşekeiler men däuırdıŋ simvolyna ainalǧan köilek. Būl — qazaqstandyqtardyŋ bırneşe buynyna jaqsy tanys obraz. Qyz Jıbek pen Tölegen — köpşılıkke tanystyrudy qajet etpeitın ekrandaǧy ǧaşyqtar. Sondyqtan №513 sailau uchaskesıne bırge kelgen jūpty sailauşylar bırden tanydy.
Ekrandaǧy ǧaşyqtar filmdegı körınısterdıŋ bırın sahnalap, köpşılıktıŋ nazaryn özderıne audardy.
«Bız jai ǧana dauys beruge kelemız dep oilaǧanbyz. Al mūnda kino körsetıp jatqandai äser qaldyrdy. Öte ädemı», — dep öz közımen erekşe performanstyŋ kuäsı bolǧan qala tūrǧyndary öz äserlerımen bölıstı.
Al Tölegen men Qyz Jıbektıŋ rölındegı keiıpkerler özderınıŋ Jastar teatrynyŋ akterlerı ekenın aitty. Sondyqtan jarqyn kostiumder de, keiıpkerlerdıŋ obrazyn barynşa däl jetkızuı de kezdeisoq emes.
