«Auyl» partiiasynyŋ sailaualdy baǧdarlamasynyŋ basty ūstanymy - auyl men qalany bölek qaramai, bır-bırın tolyqtyratyn tūtas ekonomikalyq jäne äleumettık keŋıstık retınde damytu. Öitkenı, auyldyŋ mäselesın qaladan, al qalanyŋ bolaşaǧyn öŋırlerden bölıp qarau mümkın emes.
Qaladaǧy azyq-tülık baǧasynan bastap megapolisterdegı kölık keptelısıne deiıngı köptegen mäselenıŋ tüp-törkını öŋırlerdıŋ damuymen sabaqtas. Auyl älsırese – qalaǧa köşı-qon küşeiedı. Öndırıs pen logistika jolǧa qoiylmasa – dükendegı baǧa ösedı. Şaǧyn qalalar men audandarda jūmys bolmasa – jastar ülken qalalarǧa aǧylyp, ondaǧy mektepke, auruhanaǧa, tūrǧyn üi men injenerlık jelılerge tüsetın salmaq artady.
Sondyqtan «Auyl» partiiasynyŋ sailaualdy baǧdarlamasyndaǧy negızgı ūstanymdardyŋ bırı – «Quatty öŋırler – quatty ortalyq». Būl qaǧida auyldy qalaǧa qarsy qoiudy emes, ekeuınıŋ damuyn bır arnaǧa toǧystyrudy közdeidı.
Auyl men qalanyŋ bailanysy, eŋ aldymen, kündelıktı dastarqannan körınedı. Nan, süt, et, kökönıs pen basqa da azyq-tülıktıŋ artynda auyldaǧy eŋbek tūr. Bıraq önım öndıruşıden tūtynuşyǧa jetkenşe bırneşe deldaldyŋ qolynan ötıp, tasymaldau men saqtau şyǧyndary qosylǧan saiyn onyŋ baǧasy da ösedı.
«Auyl» partiiasy osy aralyqty qysqartudy ūsynady. Baǧdarlamada qalalarda otandyq öndıruşılerdıŋ önımın tıkelei satatyn kooperativtık dükender jelısın damytu qarastyrylǧan. Mūndai tetık qos tarapqa da tiımdı: fermer tūraqty ötkızu naryǧyna ie bolady, al qala tūrǧyny sapaly önımdı qoljetımdı baǧamen satyp alady. Osy maqsatpen ırı qalalar men oblys ortalyqtarynyŋ ainalasynda azyq-tülık beldeulerın qalyptastyru mäselesıne de basymdyq berılgen. Önımdı ösıretın şaruaşylyq, ony saqtaityn qoima, taratu ortalyǧy jäne sauda nüktesı bır jüiege bırıktırılse, tasymal şyǧyny azaiyp, mausymdyq tapşylyqtyŋ aldyn aluǧa mümkındık tuady.
Qazaqstandaǧy ırı qalalar soŋǧy jyldary ışkı köşı-qonnyŋ qysymyn anyq sezınıp otyr. Adamdar jūmys, bılım, medisina jäne jaqsy tūrmys ızdep megapolisterge köşedı. Nätijesınde qalalarda tūrǧyn üige sūranys artady, mektep pen balabaqşa jetıspeidı, joldaǧy kölık köbeiedı, kommunaldyq jäne injenerlık jelılerdıŋ jüktemesı ūlǧaiady.
Būl mäselenı tek jaŋa mektep, jol nemese tūrǧyn üi salumen şeşu jetkılıksız. Onyŋ sebebıne üŋılu kerek. «Auyl» partiiasynyŋ ūstanymy osyǧan saiady: azamat tuǧan jerınen jaqsy ömır ızdep ketuge mäjbür bolmauy tiıs. Eger audan men şaǧyn qalada tūraqty jūmys, sapaly mektep, qoljetımdı medisina, internet, jaqsy jol jäne käsıp bastauǧa mümkındık bolsa, adamnyŋ taŋdau aiasy da keŋeiedı. Ol auylda qaludy da, qalaǧa köşudı de qajettılıkten emes, öz qalauymen şeşedı. Sondyqtan, «Auyl» partiiasynyŋ baǧdarlamasynda öŋırlık infraqūrylymǧa bölınetın qarjyny arttyru, avtomobil joldaryn sapaly kütıp ūstau, injenerlık jelılerdı jaŋǧyrtu jäne sifrlyq qyzmetterdı keŋeitu qarastyrylǧan.
Sonymen bırge partiia qalaǧa qonys audarǧan azamattardy qoǧamnan şet qaldyrmau qajet dep sanaidy. Baǧdarlamada jaŋa ortaǧa beiımdelu, jūmysqa ornalasu, memlekettık qyzmetterge qol jetkızu jäne qala ömırıne tolyqqandy aralasu mäselelerı de qamtylǧan. Partiia qalalarda sifrlyq habtar men kovorkingterdı damytuǧa, memlekettık qyzmetterdı barynşa qoljetımdı etuge de nazar audarady.
Öŋırlerden jastardyŋ ketuınıŋ bır sebebı – sapaly bılım men jaqsy jūmysty tek ırı qaladan tabuǧa bolady degen tüsınık. Mūny özgertu üşın bılım beru jüiesın eŋbek naryǧymen jaqyndastyru qajet.
«Auyl» partiiasy mektepterde jūmys beruşılermen bırlesken beiındık synyptar men oqu-öndırıstık baǧyttardy damytudy ūsynady. Būl jasöspırımge mamandyqty tek diplom alar kezde emes, mektep qabyrǧasynan bastap sanaly taŋdauǧa mümkındık beredı. Student jastarǧa eŋbek täjıribesın jinauǧa jaǧdai jasau, eldı-mekender men qalalarda sporttyq jäne şyǧarmaşylyq keŋıstıkter aşu da osy saiasattyŋ bır bölıgı.
Mäsele jastarmen ǧana şektelmeidı. Sifrlandyru jedel jürıp jatqan kezeŋde egde jastaǧy azamattar da jaŋa qyzmetterden tys qalmauy kerek. Sondyqtan olardyŋ sifrlyq sauatyn köteru – memlekettık qyzmettı paidalanu ǧana emes, internet alaiaqtarynan qorǧanudyŋ da maŋyzdy joly.
Qai öŋırde tūrsa da, jas otbasynyŋ aldynda ūqsas mäseleler bar: baspana, tūraqty tabys, balanyŋ bılımı men qauıpsızdıgı. Sondyqtan, partiia jas otbasylarǧa, jas mamandar men äleumettık sala qyzmetkerlerıne arnalǧan qoljetımdı tūrǧyn üi tetıkterın keŋeitudı maŋyzdy dep sanaidy.
Äielder käsıpkerlıgın qoldau, jastardyŋ eŋbekke aralasuyna jaǧdai jasau, äielder men balalarǧa qatysty zorlyq-zombylyqqa tözbeuşılık te baǧdarlamanyŋ äleumettık baǧyttarynyŋ qatarynda.
Auyl öndırgen önım qalaǧa kerek. Qaladaǧy ǧylym, tehnologiia, qarjy men naryq auyldyŋ damuyna qajet. Öŋırdegı jūmys orny megapolistegı köşı-qon qysymyn azaitsa, damyǧan qala bükıl el ekonomikasyn alǧa süireidı.
Sondyqtan, «Auyl» partiiasynyŋ jaŋa baǧdarlamasy tek auyl şaruaşylyǧyna arnalǧan qūjat emes. Onda azyq-tülık baǧasynan tūrǧyn üige, joldan sifrlandyruǧa, jastar saiasatynan ekologiiaǧa deiın azamattardyŋ kündelıktı ömırıne äser etetın mäseleler qamtylǧan. Partiianyŋ ūstanymy qarapaiym: adamnyŋ mümkındıgı onyŋ auylda nemese qalada tūruyna bailanysty bolmauy kerek.
«Auyl» partiiasy üşın auyl men qala – memlekettıŋ bırın-bırı tolyqtyratyn qos tıregı.
Şyǧarǧan ūiym: «Auyl» partiiasy» respublikalyq qoǧamdyq bırlestıgı
Tapsyrys beruşı: «Auyl» partiiasy» respublikalyq qoǧamdyq bırlestıgı
Tölendı: «Auyl» partiiasy» Respublikalyq qoǧamdyq bırlestıgınıŋ sailau qorynyŋ qarajaty esebınen.
