Qasym-Jomart Toqaev kezekten tys ötıp jatqan Prezident sailauynda dauys berdı, dep habarlaidy ”Adyrna” tılşısı.
Memleket basşysy elordadaǧy Äl-Farabi atyndaǧy Oquşylar saraiynda ornalasqan sailau uchaskesıne baryp, kezekten tys ötıp jatqan Prezident sailauynda dauys berdı.
Jurnalister aldynda söz söilegen Qasym-Jomart Toqaev Prezident sailauy elımız üşın tarihi kün ekenın atap öttı.
– Bügın – öte maŋyzdy, tarihi kün. Elımızdıŋ jarqyn bolaşaǧy üşın dauys berıp otyrmyz. Şyn mänınde, biyl oŋai bolǧan joq. Bıraq halqymyz jūmylyp, qiyndyqtardyŋ bärın eŋserdı. Endı aldymyzda tūrǧan öte auqymdy mındetter, maqsattar bar. Atqaratyn jūmys älı de köp. Saiasi reformalar jüzege asyrylyp jatyr. Jazda jalpyūlttyq referendum öttı. Endı, mıne kezekten tys Prezident sailauy ötkızılıp jatyr. Keleşekte būl jūmystar jalǧasa beredı, – dedı Qasym-Jomart Toqaev.Memleket basşysy sözın qorytyndylai kele otandyq jäne şeteldık būqaralyq aqparat qūraldary ökılderınıŋ sūraqtaryna jauap berdı.
Ūqsas jaŋalyqtar
