Toqaev Prezıdent saılaýynda daýys berdi

3647
Adyrna.kz Telegram

Qasym-Jomart Toqaev kezekten tys ótip jatqan Prezıdent saılaýynda daýys berdi, dep habarlaıdy ”Adyrna” tilshisi.

Memleket basshysy elordadaǵy Ál-Farabı atyndaǵy Oqýshylar saraıynda ornalasqan saılaý ýchaskesine baryp, kezekten tys ótip jatqan Prezıdent saılaýynda daýys berdi.

Jýrnalıster aldynda sóz sóılegen Qasym-Jomart Toqaev Prezıdent saılaýy elimiz úshin tarıhı kún ekenin atap ótti.

– Búgin – óte mańyzdy, tarıhı kún. Elimizdiń jarqyn bolashaǵy úshin daýys berip otyrmyz. Shyn máninde, bıyl ońaı bolǵan joq. Biraq halqymyz jumylyp, qıyndyqtardyń bárin eńserdi. Endi aldymyzda turǵan óte aýqymdy mindetter, maqsattar bar. Atqaratyn jumys áli de kóp. Saıası reformalar júzege asyrylyp jatyr. Jazda jalpyulttyq referendým ótti. Endi, mine kezekten tys Prezıdent saılaýy ótkizilip jatyr. Keleshekte bul jumystar jalǵasa beredi, – dedi Qasym-Jomart Toqaev.

Memleket basshysy sózin qorytyndylaı kele otandyq jáne sheteldik buqaralyq aqparat quraldary ókilderiniń suraqtaryna jaýap berdi.

Pikirler