Memleket basshysy Qasym-Jomart Toqaev ortalyq atqarýshy organdardyń basshylary týraly Jarlyqqa qol qoıdy. Bul týraly Aqorda baspasóz qyzmeti málimdedi, dep habarlaıdy “Adyrna” ulttyq portaly.
Jarlyq ortalyq atqarýshy organdardyń basshylary men barlyq deńgeıdegi ákimge qatysty bolady.
Ortalyq atqarýshy organdardyń (Qazaqstan Respýblıkasynyń Qorǵanys, Syrtqy ister mınıstrlikterin qospaǵanda) basshylary bir jyl ishinde halyqpen turaqty kezdesýler ótkizýi, al keıin kezdesýlerdiń nátıjeleri týraly BAQ arqyly esep berýi tıis.
Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júkteledi. Jarlyq alǵashqy resmı jarııalanǵan kúninen bastap qoldanysqa engiziledi.
“Adyrna” ulttyq portaly.
