Qazaqstan Prezidentı Qasym-Jomart Koreia Respublikasynyŋ Prezidentı Iýn Sok Ioldy qabyldady, dep habarlaidy “Adyrna” ūlttyq portaly Aqordanyŋ baspasöz qyzmetıne sıltep.
«Aqordada Qazaqstanǧa memlekettık saparmen kelgen Koreia Respublikasynyŋ Prezidentı Iýn Sok Ioldy saltanatty türde qarsy alu räsımı öttı», - delıngen särsenbı künı taratqan habarlamada.
Qasym-Jomart Toqaev pen Iýn Sok Iol resmi delegasiia müşelerın bır-bırımen tanystyrdy. Qūrmet qarauyl rotasynyŋ basşysy prezidentterge qūttyqtau baiandamasyn berıp, ekı eldıŋ änūrany şyrqaldy.
Saltanatty räsım aiaqtalǧannan keiın memleket basşylary kelıssözder zalyna kırdı.
Ekı el delegasiialarynyŋ qatysuymen ötken kelıssöz barysynda Memleket basşysy Qasym-Jomart Toqaev Prezident Iýn Sok Ioldıŋ Qazaqstanǧa jasaǧan alǧaşqy memlekettık saparyn tarihi oqiǧa dep baǧalady. Sondai-aq bügıngı kelıssözder qazaq-korei yqpaldastyǧynyŋ aiasyn keŋeitıp, ekıjaqty bailanysty jaŋa beleske köteretının aitty.
Qazaqstan Prezidentınıŋ pıkırınşe, Oŋtüstık Koreia jahandyq auqymdaǧy naǧyz ekonomikalyq jäne tehnologiialyq lokomotivke ainaldy. Al älemge äigılı korei korporasiialary halyqaralyq arenada eldıŋ «negızgı jahandyq memleket» retındegı pozisiiasyn ılgerıletuge eleulı üles qosyp keledı.
Būdan bölek, taraptar mädeni-gumanitarlyq bailanystardy damytu mäselesıne nazar audardy.
“Qazaqstanda tūratyn 120 myŋ etnikalyq korei ūltynyŋ ökılderı ekı el arasyndaǧy qatynastardy nyǧaituda maŋyzdy röl atqarady jäne oǧan ölşeusız üles qosady. Öz kezegınde Koreiada bılım alyp jatqan myŋnan astam qazaqstandyq jastar memleketter arasyndaǧy «dostyqtyŋ altyn köpırı» sanalady”, – dedı Qasym-Jomart Toqaev.
Ūqsas jaŋalyqtar
17 mlrd dollarlyq mämıleden – İbrahim kelısımıne deiın. Prezidenttıŋ AQŞ-qa sapary nelıkten maŋyzdy?
