Biz Ádiletti Qazaqstandy qurýǵa kiristik -Qasym-Jomart Toqaev

2862
Adyrna.kz Telegram

QR Prezıdenti Qasym-Jomart Toqaev el turǵyndaryn Respýblıka kúnimen quttyqtady, dep habarlaıdy "Adyrna" ulttyq portaly. 

Memleket basshysy óz quttyqtaýynda Respýblıka kúniniń mán-mańyzyn aıshyqtap, Otan, Ádiletti Qazaqstan syndy qasterli uǵymdardan sóz etti:

"Qurmetti otandastar!

Barshańyzdy Respýblıka kúnimen shyn júrekten quttyqtaımyn!

Qazaqstannyń Memlekettik egemendigi týraly deklaraııa qasterli Táýelsizdigimizge jol ashty.

Sondyqtan bul tarıhı qujattyń mán-mańyzy zor.

Biz bıyldan bastap Respýblıka kúnin ulttyq mereke retinde jańa mazmunda atap ótemiz. Osy bastama jurttyń keń qoldaýyna ıe bolyp, dástúrge aınalaryna senimdimin.

Respýblıka kúni – halqymyzdyń rýhyn kóterip, eldigimizdi nyǵaıtatyn, birligimizdi bekemdep, yntymaǵymyzdy arttyratyn aıshyqty mereke.

Biz Ádiletti Qazaqstandy qurýǵa kiristik. Barsha qazaqstandyqtar belsene atsalysqanda ǵana osy ıgi maqsatqa qol jetkize alamyz. Sebebi memlekettiń tiregi de, basty baılyǵy da – azamattar!

Jańǵyrǵan ulttyq merekemizge oraı óńirlerde birligimizdiń sımvoly – kók baıraǵymyzdy kóterýge arnalǵan saltanatty rásim ótedi. Bul – urpaq sanasynda otansúıgishtik qasıetti, eldik rýh pen ulttyq ustanymdy bekemdeı túsetin mańyzdy shara. Kók týymyz – egemendik, azattyq, birlik, beıbitshilik syndy izgi qundylyqtardy ushtastyratyn qasterli rámiz.

Biz – baıraǵyn bıik ustaǵan babalardyń urpaǵymyz. Sondyqtan tý kóterý rásimi ulttyq merekeniń mańyzyn arttyrady.

Qazaqstannan basqa Otanymyz joq. Baǵdarymyz –  aıqyn, maqsatymyz – ortaq.

Biz táýelsizdik tuǵyryn bıik ustap, memlekettigimizdi nyǵaıta beremiz. Óıtkeni Otanymyz – bir, memleketimiz – bir, halqymyz – bir.

Endeshe Ádiletti Qazaqstandy birge quraıyq!

Barshańyzǵa zor densaýlyq, baq-bereke tileımin!

Elimizdiń egemendigi baıandy bolsyn! - dedi Prezıdent.

"Adyrna" ulttyq portaly 

Pikirler