Foto: Stephanie Lecocq / Getty Images
Ukraina prezidentı Vladimir Zelenskii halyqaralyq qauymdastyqty bırıgıp, Reseidı Ukrainadaǧy soǧysty toqtatuǧa mäjbür etuge şaqyrdy. Ol būl turaly Ukrainanyŋ Täuelsızdık künıne orai halyqqa jasaǧan ündeuınde aitty, dep habarlaidy "Adyrna".
Zelenskiidıŋ sözınşe, Ukraina, Europa, AQŞ jäne jalpy halyqaralyq qauymdastyq Reseige qarsy bır ūstanymda boluy qajet. Prezident Kievtıŋ soǧys jaǧdaiynda qarsylyǧyn jalǧastyratynyn atap öttı.
«Ukraina mūny jasaidy. Ukraina būǧan deiın de bastapqyda eŋserılmeitındei körıngen mındetterdı şeştı», – dedı ol.
Ukraina prezidentı Resei prezidentı Vladimir Putinnıŋ Ukrainaǧa qatysty josparlarynda basty faktordy eskermegenın mälımdedı. Onyŋ aituynşa, Resei Ukrainadaǧy äskeri resurstardy, tehnika men qoimalardy eseptegenımen, halyqtyŋ eldıŋ täuelsızdıgın qorǧaudaǧy rölın baǧalamaǧan.
Zelenskii ukrain qoǧamynyŋ tözımdılıgı men qarsylyq körsetu qabıletı Reseidıŋ esepteulerın özgertkenın aitty.
Sonymen qatar ol soǧys barysynda Reseidıŋ bırqatar şyǧynǧa ūşyraǧanyn atap öttı. Zelenskii mūnai öŋdeu zauyttary, äskeri-teŋız floty men ekonomikalyq resurstarǧa keltırılgen zalalǧa toqtalyp, Reseidıŋ soǧys saldarynan adam şyǧynyna da nazar audardy.
Ukraina basşysy qazırgı jaǧdaidyŋ kürdelı ekenın moiyndaǧanymen, Donesk oblysyn Reseige beru arqyly soǧysty aiaqtau ūsynysyna kelıspeitının taǧy da bıldırdı. Onyŋ pıkırınşe, Ukrainanyŋ aumaqtyq tūtastyǧynan bas tartu soǧysty toqtatudyŋ kepılı bola almaidy.
«Bız olarǧa bastamany qolǧa aluǧa, Europa men bükıl älemdı Donbassty beru arqyly bärı aiaqtalady dep sendıruge jol bermeimız», – dedı Zelenskii.
Prezident sözınde Qytaidyŋ da ūstanymyna toqtaldy. Ol Beijıŋdı Ukrainadaǧy soǧysty toqtatuǧa belsendı türde yqpal etuge şaqyrdy.
Zelenskii Qytai älemdık köşbasşy retındegı rölın tek ekonomika men tehnologiia salasynda ǧana emes, halyqaralyq qauıpsızdık mäselelerınde de körsetuı kerek dep sanaidy.
«Qytai endı ünsız qalmauy kerek», – dedı Ukraina prezidentı.
Sonymen qatar Zelenskii Ukrainanyŋ qorǧanys önerkäsıbı men äskeri äleuetın küşeitu qajet ekenın aitty. Onyŋ sözınşe, eldıŋ qaruly küşterın nyǧaitu jäne qorǧanysqa qajettı qūraldarmen qamtamasyz etu jalǧasa beredı.
AQŞ-tyŋ ūstanymyn baǧalady
Zelenskii AQŞ prezidentı Donald Tramp äkımşılıgınıŋ Reseige qatysty saiasatyn da joǧary baǧalady. Onyŋ aituynşa, Vaşington Mäskeudıŋ soǧysty şyn mänınde aiaqtaǧysy keletınıne qatysty būrynǧy tüsınıkterın qaita qaraǧan.
Ukraina prezidentı AQŞ pen Europa elderı Reseidı kelıssöz üstelıne otyruǧa mäjbür etu üşın qysymdy küşeitıp, jaŋa sanksiialar engızuı qajet degen pıkır bıldırdı.
