Memleket basşysy Qasym-Jomart Toqaev Ukraina Prezidentı Vladimir Zelenskiidı Täuelsızdık künımen qūttyqtady. Būl turaly Aqorda mälımdedı, dep habarlaidy “Adyrna” ūlttyq portaly.
«Prezident Qasym-Jomart Toqaev Ukraina Prezidentı Vladimir Zelenskiige qūttyqtau jedelhatyn joldady. Memleket basşysy ukrain halqyn Täuelsızdık künımen qūttyqtady»,delıngen habarlamada.Jedelhatta naqty ne jazylǧany habarlanbaǧan. Ukraina prezidentı keŋsesınıŋ baspasöz qyzmetı äzırge Qazaqstan Respublikasy Prezidentınıŋ qūttyqtauy turaly aqparat jariialaǧan joq. Aita keteiık, 1992 jylǧy aqpanda Joǧarǧy Rada Ukrainanyŋ Täuelsızdık künın toilaudyŋ resmi künı 24 tamyz dep bekıttı. 1991 jyly osy künı Ukraina KSR Joǧarǧy Keŋesı Ukraina täuelsızdıgınıŋ Deklarasiiasy turaly aktını qabyldaǧan.
Ūqsas jaŋalyqtar
