Özbekstan prezidentı Şavkat Mirziioev 2 qyrküiek – Bırınşı Prezidenttı eske alu künıne orai İslam Kärımov atyndaǧy ǧylymi-aǧartuşylyq memorialdyq keşenge bardy.
Memleket basşysy «Oqsaroida» ornalasqan İslam Kärımov eskertkışıne gül şoǧyn qoiyp, onyŋ ruhyna taǧzym ettı. Räsım barysynda Qūran aiattary oqylyp, marqūm memleket qairatkerınıŋ el täuelsızdıgın qalyptastyru men memlekettılıktı nyǧaitudaǧy eŋbegı atap ötıldı.
İslam Kärımov 2016 jylǧy 2 qyrküiekte 78 jasynda qaitys bolǧan edı. Biyl onyŋ dünieden ötkenıne 10 jyl tolyp otyr.
Prezidenttıŋ baspasöz qyzmetı habarlaǧandai, Şavkat Mirziioev İslam Kärımovtıŋ Özbekstannyŋ täuelsız memleket retınde qalyptasuyndaǧy tarihi rölın joǧary baǧalady.
«Täuelsızdık bızge daŋqymyz ben abyroiymyzdy, qasiettı dınımızdı, ana tılımızdı jäne ūlttyq qūndylyqtarymyzdy qaitardy. Täuelsızdıktıŋ arqasynda bız özımızdıŋ şynaiy bolmysymyzdy tanydyq», – delıngen habarlamada.
Eske alu şarasyna Olii Mäjılıs deputattary, Prezident Äkımşılıgı men Ministrler Kabinetınıŋ müşelerı, ministrlık jäne vedomstvo basşylary, ziialy qauym ökılderı, ardagerler men jastar qatysty.
Memorialdyq şaralar Samarqand pen Qarşy qalalarynda da öttı. Samarqandta İslam Kärımov jerlengen Hazıretı Hyzyr keşenı maŋynda Qūran oqylyp, eske alu räsımı ūiymdastyryldy. Al Qarşyda tūrǧyndar Bırınşı Prezidenttıŋ eskertkışıne gül şoqtaryn qoidy.
Is-şaralar İslam Kärımovtıŋ tarihi mūrasyn qūrmetteu jäne eldegı memlekettık dästürler sabaqtastyǧyn saqtau maqsatynda ötkızıldı.
