Foto: kenesh.kg
Qyrǧyzstan Jogorku Keneşı Maqsat Asanälievtı Memlekettık ūlttyq qauıpsızdık komitetınıŋ (MŪQK) töraǧasy qyzmetıne taǧaiyndauǧa kelısım berdı. Parlament deputattary tiıstı şeşımdı bırauyzdan maqūldady, dep habarlaidy “Adyrna”.
Atalǧan mäsele aldymen Jogorku Keneştıŋ beiındı komitetınde qaralǧan. Komitet Asanälievtı Qyrǧyzstannyŋ bas prokurory qyzmetınen bosatyp, ony MŪQK töraǧasy lauazymyna taǧaiyndau turaly ūsynysty qoldady.
Keiın kandidatura parlamenttıŋ jalpy otyrysyna şyǧarylyp, deputattardyŋ tolyq qoldauyna ie boldy.
Endı Jogorku Keneştıŋ şeşımı Qyrǧyzstan prezidentı Sadyr Japarovqa jıberıledı. Memleket basşysy Asanälievtı MŪQK töraǧasy etıp taǧaiyndau turaly tiıstı jarlyqqa qol qoiuy tiıs.
Maqsat Asanäliev 2024 jyldyŋ mausymynan berı Qyrǧyzstannyŋ bas prokurory qyzmetın atqarǧan. Biyl 30 mausymda ol būl qyzmetten ketetının mälımdegen. Artynşa Sadyr Japarov ony MŪQK töraǧasynyŋ mındetın atqaruşy etıp taǧaiyndady.
Aita keteiık, būǧan deiın Qyrǧyzstandaǧy küştık qūrylymdar jüiesınde bırqatar kadrlyq auys-tüiıs bolǧan. Keiın MŪQK-nıŋ būrynǧy töraǧasy Qamşybek Täşievke qatysty sot ükımı şyqty.
