Qazaqstannyŋ halyq ärtısı Dimaş Qūdaibergen qazaq tazysy men töbetı künıne orai tüsırılgen kadrlarmen bölıstı, dep habarlaidy «Adyrna» tılşısı.
Öner iesı prezident Qasym-Jomart Toqaevtan syilyqqa alǧan tazy itıne «Ǧaryşker» dep at qoiǧan.
«Bırınşı surette - bärımız jaqsy köretın tūlpar Aqjannyŋ äkesımen bırge tüsken sätım. Memleket basşysynyŋ tūlparymen seruendep qaitu men üşın ülken märtebe boldy. Al ekınşı surette menıŋ qasymda Memleket basşysynyŋ Nensi jäne Nauryz atty tazylary. Menıŋ tazymen erekşe oqiǧam bar. Prezidentımız Qasym-Jomart Kemelūly maǧan tazy syilaǧan bolatyn. Men oǧan Ǧaryşker dep at qoidym»,–dedı ol.
Jazbasynyŋ soŋynda änşı Prezidenttık teleradiokeşenge bıregei kadrlar üşın alǧys bıldırdı.
Aita keteiık, bügın, 3 qyrküiekte alǧaş ret qazaq tazysy men töbetı künı atap ötıledı.
