Foto Jİ kömegımen jasaldy
Astanada Qazaqstandy 76 kün boiy velosipedpen aralaǧan şyŋjaŋdyq saiahatşy Bürlen Ädıletqyzynyŋ joǧalǧan velosipedı tabyldy, dep habarlaidy "Adyrna" tılşısı.
Būl turaly Astana qalasynyŋ polisiia departamentı jazba jariialady.
Polisiia departamentınıŋ habarlauynşa, velosipedtıŋ ūrlanǧany turaly polisiiaǧa eşqandai aryz tüspegen. Alaida äleumettık jelıde velosipedtıŋ ūrlanǧany turaly beinematerial jariialanǧannan keiın polisiia qyzmetkerlerı qysqa merzım ışınde onyŋ ornalasqan jerın anyqtaǧan.
Tekseru nätijesınde ūrlyq faktısı bolmaǧan delınedı. Velosipedtı iesı qūrbysynda qaldyrǧany aitylady.
Polisiia departamentı būl mäseleden jalǧan mälımet deregın körıp otyrǧan siiaqty. Mekeme resmi mälımetınde jalǧan mälımet taratqan adamnyŋ Qazaqstan zaŋnamasyna säikes jauapqa tartylatynyn eskerttı.
Būǧan deiın äleumettık jelıde saiahatşy Bürlen Ädıletqyzynyŋ velosipedı Astanada joǧalyp ketkenı turaly aqparat taraǧan edı. Ol atalǧan velosipedpen Qazaqstannyŋ är öŋırın aralap, 76 kündık sapar jasaǧan.
Aita keteiık, būl Bürlennıŋ Qazaqstanǧa alǧaşqy sapary emes. 2024 jyly ol Ürımşı qalasynan Astanaǧa velosipedpen 26 künde jetken. Sol sapardan keiın saiahatşy mıngen velosipedın Tūŋǧyş Prezident muzeiınıŋ qoryna tapsyrǧan.
