Jetısuda oblystyq maŋyzy bar «Taldyqorǧan - Üştöbe» avtojolynyŋ ortaşa jöndeuı aiaqtaldy. Oblystyq maŋyzy bar būl joldaǧy jöndeu rekordtyq qysqa merzımde – jospardan ekı ai būryn aiaqtaldy.
Osylaişa, oblys qūrylǧannan berı negızgı kürejoldar – Dostyqqa, Qorǧasqa, Lepsıge, iaǧni Balqaş kölıne, Qaratal audanynyŋ eŋ şalǧai nüktesı – Köpbırlıkke, endı oǧan qosa Üştöbe qalasyna deiıngı joldar jasaldy. Tekelıge aparatyn joldy jöndeu jobasy jasaluda. Söitıp, Taldyqorǧandy audan ortalyqtarymen bailanystyratyn barlyq joldar jöndelıp bıtedı.
Oblystyq jolauşylar kölıgı jäne avtomobil joldary basqarmasynyŋ mälımetınşe, Taldyqorǧan men Üştöbe qalalarynyŋ arasyn jalǧaityn 42 şaqyrymdyq joldy jöndeu turaly tapsyrmany oblys äkımı Beibıt İsabaev ötken jyly bolǧan Qaratal audanynyŋ tūrǧyndarymen kezdesuınde bergen. Soǧan säikes osy joba qolǧa alynyp, ony ıske asyruǧa oblystyq biudjetten qarjy bölıngen.
- Jol jöndeu jūmystary osy jyldyŋ mamyr aiynda bastaldy. Saraptamanyŋ qorytyndysy boiynşa qūrylys jūmystary 14 ai jürgızıluı kerek bolǧan, iaǧni qaraşa aiynda bıtuı kerek edı, degenmen qarqyndy jūmystyŋ arqasynda joba merzımınen būryn aiaqtalyp otyr. Mūndaǧy 42 şaqyrymnyŋ 27 şaqyrymy – būl Üştöbe qalasynyna şyǧaberıste Jaŋatalap auylynyŋ būrylysynan bastalyp, ekı qabat asfalt jamylǧysymen jasaldy, oǧan qosa joldyŋ negızın tüzetu jūmystary jürgızıldı. Qalǧan 15 şaqyrymynda joldyŋ negızı dūrys bolǧandyqtan, bır qabat asfalt jamylǧysy jürgızıldı. Söitıp asfalttau jūmystaryn qyrküiek aiynyŋ basynda aiaqtap otyrmyz. Qazır jol jiekterın retteu jūmystary 50% aiaqtaldy. Osy aidyŋ aiaǧyna deiın joldy ekspluatasiiaǧa qabyldaityn bolamyz, - dedı oblystyq jolauşylar kölıgı jäne avtomobil joldary basqarmasynyŋ basşysy Ǧalymjan Därıbaev.
Sondai-aq 13 jerden su ötkızgış qūbyrlary auystyryldy, 4 jerde baǧdarşam ornatyldy, 4 aialdama jöndeuden ötkızıldı. Sonymen qatar jol boiyndaǧy jol taŋbalary termoplast materialymen jasaluda. Ädettegı jol taŋbalary üş aiǧa jaramdy bolsa, būl material odan äldeqaida ūzaq qyzmet etedı deidı mamandar.
Tehnikalyq qadaǧalau mekemesı ökılderı jūmystyŋ jol negızınen bastap asfalt töseuge deiıngı barlyq prosesı bastan aiaq qadaǧalanǧanyn jäne bekıtılgen smetaǧa säikes jasalǧanyn aitady.
«Taldyqorǧan - Üştöbe» avtojolynyŋ boiynda ornalasqan Eskeldı auylynyŋ tūrǧyndary joldyŋ jöndelgenıne riza.
- Özım Eskeldı auylynda ūzaq jyldan berı tūryp kelemın. Jol qatynasy bız üşın eŋ maŋyzdy mäselenıŋ bırı bolatyn. Qazır jolymyzdyŋ jaŋalanyp, ary-berı qatynastyŋ qolaily bola tüskenı bızdı quantyp otyr. Aialdamamyz da jöndeldı. Auylda balalar oiyn alaŋy jasaldy. Auylymyz bırte-bırte körkeiıp keledı, - dedı auyl tūrǧyny Patigül Sairanova.
Jalpy, jol infraqūrylymyn jaqsartu baǧytynda qabyldanǧan şaralardyŋ arqasynda jaqsy jäne qanaǧattanarlyq deŋgeidegı oblystyq maŋyzy bar joldardyŋ ülesı 97 % juyqtady.
Atap ötsek, biyl oblysta 370 şaqyrymǧa juyq avtomobil joly jöndelude. Sonymen qatar öŋırdıŋ 38 eldı mekenınde 230-ǧa juyq köşe joldary jöndelu üstınde.
