Retteuşı organnyŋ mälımetınşe, 2026 jyldyŋ tamyz aiynyŋ soŋynda Qazaqstannyŋ halyqaralyq rezervterı 70,57 mlrd dollarǧa jettı. Bır ai ışınde rezerv kölemı 7,25 mlrd dollarǧa nemese 11,4%-ǧa artqan.
Būl – jyl basynan bergı eŋ joǧary ailyq ösım.
2026 jyldyŋ mamyr aiynda Qazaqstannyŋ halyqaralyq rezervterı 67,35 mlrd dollardy qūraǧan. Al mausymda būl körsetkış 61,83 mlrd dollarǧa deiın tömendedı. Būl jyl basynan bergı eŋ tömengı deŋgei boldy.
Tömendeudıŋ negızgı sebebı altyn aktivterınıŋ qūnsyzdanuy boldy. Onyŋ kölemı 52,55 mlrd dollardan 47,57 mlrd dollarǧa deiın, iaǧni şamamen 5 mlrd dollarǧa azaidy. Al valiutalyq aktivter 14,79 mlrd dollardan 14,26 mlrd dollarǧa deiın tömendedı.
Būǧan mausym aiynda älemdık naryqta altyn baǧasynyŋ kürt arzandauy äser ettı. Düniejüzılık altyn keŋesınıŋ mälımetınşe, bır ai ışınde baǧaly metaldyŋ baǧasy şamamen 11%-ǧa tömendegen.
Alaida altyn qūnynyŋ tömendeuı Qazaqstan Ūlttyq bankınıŋ altyn satqany degendı bıldırmeidı. Monetarlyq altyn halyqaralyq rezervter qūramynda qūndyq körsetkışpen esepke alynady.
Şılde aiynda rezervter qaita qalpyna kele bastasa, tamyzda ösım aitarlyqtai jedeldedı. Qazaqstannyŋ halyqaralyq rezervterındegı altynnyŋ qūny 48,17 mlrd dollardan 55,80 mlrd dollarǧa deiın östı. Bır aidaǧy ösım 7,62 mlrd dollardy nemese 15,8%-dy qūrady.
Osylaişa ekı ai ışınde mausymdaǧy tömendeudıŋ basym bölıgı öteldı. Salystyru üşın, qaŋtarda altyn aktivterınıŋ qūny 55,34 mlrd dollar bolǧan. Demek, tamyzda būl körsetkış jyl basyndaǧy deŋgeiden de säl joǧary boldy.
Valiutalyq aktivter boiynşa jaǧdai kerısınşe qalyptasty. Tamyzda olardyŋ kölemı 15,15 mlrd dollardan 14,78 mlrd dollarǧa deiın tömendedı.
Bır aidaǧy tömendeu şamamen 377 mln dollar nemese 2,5% boldy.
Osylaişa tamyzdaǧy halyqaralyq rezervterdıŋ jalpy ösımı valiutalyq aktivterdıŋ ūlǧaiuyna bailanysty emes. Altyn aktivterı 7,62 mlrd dollarǧa össe, valiutalyq bölıgı 0,38 mlrd dollarǧa azaiǧan. Nätijesınde halyqaralyq rezervterdıŋ jalpy kölemı 7,25 mlrd dollarǧa artty.
Jyl basynan berı valiutalyq aktivter şamamen 18,7%-ǧa qysqarǧan, al altynnyŋ qūny 18,1%-ǧa ösken. Tamyz aiynyŋ soŋynda altyn Ūlttyq banktıŋ halyqaralyq rezervterınıŋ şamamen 79%-yn qūrady.
Sonymen qatar Ūlttyq qordyŋ valiutalyq aktivterı de artqan.
Şıldede olardyŋ kölemı 66,12 mlrd dollar bolsa, tamyzda 68,24 mlrd dollarǧa jettı. Bır aidaǧy ösım şamamen 2,12 mlrd dollardy qūrady.
Jyl basynan berı Ūlttyq qor aktivterı şamamen 6,8%-ǧa ösken.
Ūlttyq bank 2024 jylǧy aqpannan bastap Ūlttyq qordyŋ valiutalyq aktivterı – şetel valiutasyndaǧy aktivter men altyn – «Ūlttyq qor – balalarǧa» baǧdarlamasy aiasyndaǧy nysanaly talaptar boiynşa mındettemeler şegerılgennen keiın körsetıletının atap öttı.
Ūlttyq banktıŋ halyqaralyq rezervterı men Ūlttyq qordyŋ valiutalyq aktivterın qosqanda, tamyz aiynyŋ soŋyndaǧy jiyntyq kölem 138,81 mlrd dollardy qūrady.
Şılde aiynyŋ soŋynda būl körsetkış 129,45 mlrd dollar bolǧan. Osylaişa bır ai ışınde Qazaqstannyŋ jiyntyq rezervterı şamamen 9,4 mlrd dollarǧa ösken.
Būǧan deiın Qazaqstan Ükımetı Ūlttyq qordyŋ valiutalyq aktivterı 2029 jylǧa qarai 70,6 mlrd dollarǧa deiın ösedı dep boljam jasaǧan bolatyn.
Sonymen qatar qorǧa tüsetın taza tüsım kölemın 0,5 trln teŋgeden 2 trln teŋgege deiın arttyru josparlanyp otyr.
QR Ūlttyq ekonomika ministrlıgınıŋ boljamyna säikes, Ūlttyq qorǧa tüsetın jalpy tüsım 2027 jyly 5,1 trln teŋge, 2028 jyly 5,5 trln teŋge, al 2029 jyly 5,7 trln teŋge bolady dep kütılude.
