Bauyrjan Moldaǧaliev Mädeniet jäne aqparat ministrlıgı apparatynyŋ basşysy bolyp taǧaiyndaldy. Būl turaly 22 qyrküiekte Ükımettıŋ baspasöz qyzmetı jazdy, dep habarlaidy «Adyrna» tılşısı.
«Qazaqstan Respublikasy mädeniet jäne aqparat ministrınıŋ būiryǧymen Bauyrjan Esqaliūly Moldaǧaliev vedomstvo apparatynyŋ basşysy bolyp taǧaiyndaldy»,— delıngen habarlamada.
Bauyrjan Moldaǧaliev 1989 jyly Almaty oblysynda düniege kelgen. Äl-Farabi atyndaǧy Qazaq ūlttyq universitetınıŋ bakalavriaty men magistraturasyn, keiın osy oqu ornynyŋ doktoranturasyn aiaqtaǧan. Filosofiia, saiasattanu jäne dıntanu institutynda, keiın aqparattyq saiasatqa qatysty qūrylymdarda jūmys ıstegen.
2018 jyldan bastap Prezident Äkımşılıgınde lauazymdy qyzmetter atqarǧan. Basşy hatşylyǧynyŋ sarapşysy jäne konsultanty, Işkı saiasat bölımı meŋgeruşısınıŋ orynbasary bolǧan.
2023–2026 jyldary Qazaqstan halqy Assambleiasy hatşylyǧy meŋgeruşısınıŋ orynbasary bolyp jūmys ıstegen. 2026 jylǧy şıldede qaitadan Prezident Äkımşılıgı Işkı saiasat bölımı meŋgeruşısınıŋ orynbasary lauazymyna taǧaiyndalǧan.
