1 qazannan bastap Almatyda su tarifterı özgeredı. Jaŋa tarifter «Almaty Su» kompaniiasynyŋ saitynda jariialandy, dep habarlaidy "Adyrna".
Özgerıs tūrǧyndarǧa da, biznes ökılderıne de qatysty.
QQS-ty qosa eseptegende, halyq üşın jaŋa tarifter mynadai bolady:
- Sumen jabdyqtau – 1 tekşe metrıne 178,06 teŋge;
- Su būru (kärız) – 1 tekşe metrıne 119,46 teŋge.
Osylaişa, bır tekşe metr sudyŋ sumen jabdyqtau jäne su būru qyzmetterın qosa alǧandaǧy qūny 297,52 teŋgenı qūraidy.
Qazırgı uaqytta sumen jabdyqtau tarifı 76,56 teŋge, al su būru qyzmetı 47,50 teŋge bolyp otyr.
Kommersiialyq ūiymdar üşın tarifter halyqqa qaraǧanda joǧary bolady. 1 qazannan bastap:
- sumen jabdyqtau – 362,18 teŋge/m³;
- su būru – 264,75 teŋge/m³.
Al memlekettık mekemeler men ūlttyq kompaniialar üşın sumen jabdyqtau tarifı 649,60 teŋge/m³, su būru qyzmetı 189,14 teŋge/m³ bolady.
Tūrǧyndar men ystyq sumen qamtamasyz etetın ūiymdar üşın suyq sudyŋ QQS-syz tarifı 153,50 teŋge/m³, al su būru qyzmetı 102,98 teŋge/m³ deŋgeiınde belgılengen.
Su eseptegışı joq tūrǧyndar qanşa töleidı?
Su eseptegışı ornatylmaǧan jaǧdaida tölem tūrǧyndar sanyna qarai esepteledı.
1 qazannan bastap tūrmystyq jäne sanitarlyq-gigienalyq qajettılıkterge paidalanylatyn su üşın bır adamǧa aiyna 2670,90 teŋge tölenedı.
Al su būru qyzmetınıŋ ai saiynǧy tölemı bır adamǧa 1791,85 teŋge bolady. Būǧan deiın būl soma 1148 teŋge bolǧan.
Ystyq sudy būru tarifı, kerısınşe, tömendep, bır adamǧa aiyna 376,29 teŋgenı qūraidy. Qazırgı tölem mölşerı 712 teŋge bolǧan.
Qazaqstanda auyz su tarifterın belgıleu tärtıbı de özgerdı. Jaŋa Su kodeksıne säikes, öŋırlık mäslihattarǧa halyq üşın auyz sudyŋ tarifın öz betınşe belgıleu qūqyǧy berıldı. Būl rette tariftı bekıtu kezınde öŋırdıŋ äleumettık-ekonomikalyq jaǧdaiy men sumen jabdyqtaudyŋ qoldanystaǧy qūny eskerıluı tiıs.
Aita keteiık, elde kommunaldyq qyzmetterdıŋ tarifterın kezeŋ-kezeŋımen köteru jalǧasyp jatyr. Būl halyq pen biznes üşın baǧanyŋ bırden kürt ösuıne jol bermeu maqsatynda jüzege asyryluda.
