Kaspii teŋızındegı oqu-jattyǧu jiyny kezınde aman qalǧan üş sarbaz "Erlıgı üşın" medalımen marapattaldy. Būl turaly "Aqorda jazdy, dep habarlaidy "Adyrna".
Memleket basşysynyŋ Jarlyǧymen äskeri boryşyn atqaru üstınde körsetken erlıgı men janqiiarlyǧy üşın bır top äskeri qyzmetşı "Erlıgı üşın" medalımen marapattaldy:
- Quandyq Beket Baqtybekūly – 29011 äskeri bölımınıŋ matrosy (atqyşy);
- Temırhan Aqjol Timurūly – 29011 äskeri bölımınıŋ matrosy (atqyşy);
- Udalov Nikita Aleksandrovich – 29011 äskeri bölımınıŋ mamany (sanitariialyq nūsqauşysy).
Aita keteiık, būǧan deiın äskeri boryşyn atqaru üstınde körsetken erlıgı men janqiiarlyǧy üşın Maŋǧystau oblysyndaǧy oqu-jattyǧu jiyny kezınde qaza tapqan äskeri qyzmetşıler Qazaqstan Respublikasynyŋ memlekettık nagradalarymen marapattalǧan bolatyn.
Eske salaiyq, 24 qyrküiekte Maŋǧystau oblysynda Qazaqstan Qaruly küşterı Äskeri-teŋız küşterınıŋ oqu-jattyǧuy kezınde 17 äskeri qyzmetşını teŋız aǧyzyp äketken. Olar Kaspii jaǧalauynda oqu-jauyngerlık tapsyrma oryndap jatqanda aua raiy kürt naşarlap, jel küşeigen.
Qorǧanys ministrlıgınıŋ mälımetınşe, 14 äskeri qyzmetşı qaza tapqan, üşeuı qūtqaryldy.
Qaiǧyly oqiǧadan keiın 25 qyrküiek Qazaqstanda jalpyūlttyq aza tūtu künı bolyp jariialanǧan bolatyn.
