Almaty qalasynda bırneşe nominasiialar boiynşa dın salasynyŋ özektı mäselelerı turaly üzdık materialdardy onyŋ ışınde maqalalar, qysqa rolikter jäne t.b. daiyndau baiqauynyŋ jeŋımpazdaryn marapttaldy, dep jazady «Adyrna» portaly.
Almaty qalasy Dın ısterı jönındegı basqarmasynyŋ tapsyrysy boiynşa «JASTAR» damytu ortalyǧy» jastar qoǧamdyq bırlestıgı ūiymdastyruymen ötken baiqau, aǧymdaǧy jyldyŋ 5 säuır men 15 qazan aralyǧynda özektı boldy. Negızgı maqsat – jūrt nazaryn dın salasyndaǧy memlekettık saiasattyŋ özektı mäselelerıne audaru. Būqaralyq aqparat qūraldary men äleumettık jelıler arqyly halyqty dın salasyndaǧy memlekettık saiasattyŋ maŋyzdy baǧyttary men dıni ekstremistık aǧymdar ideologiiasynyŋ ziiandylyǧynan habardar etu. Jeŋımpazdar internet-resurstaǧy qazaq tılındegı üzdık maqala; internet-resurstaǧy orys tılındegı üzdık maqala; internettegı jäne äleumettık jelılerdegı eŋ jaqsy taqyryptyq qysqa beinerolik; eŋ belsendı bloger nominasiialary boiynşa anyqtaldy. Atalǧan 4 nominasiia boiynşa jalpy jülde qory – 1 350 000 teŋgenı qūrady. Qazylar alqasy müşelerı qatysuşylardyŋ materialdaryna ädıl baǧa berıp, olardyŋ kreativtı ideialary men sapaly jūmystaryna basa nazar audardy. Qazylar qatarynda Almaty qalasy Dın ısterı jönındegı basqarmasy basşysynyŋ orynbasary Erǧali Ahilbekūly, äl-Farabi atyndaǧy QazŪU Dıntanu jäne mädeniettanu kafedrasy meŋgeruşısı Ainur Qūrmanälieva, Almaty qalasy Dın ısterı jönındegı basqarmasynyŋ "Dın mäselelerın zertteu ortalyǧy" kommunaldyq memlekettık mekemesınıŋ basşysy Dulat İbragimov, aqyn Töreǧali Täşenov boldy. Marapattau räsımın Erǧali Ahilbekūly men Ainūr Qūrmanalieva aşyp berdı. Olar atalǧan baiqaudyŋ qoǧam üşın bererı men qosary mol ekenın, sondai-aq dın taqyrybyna qyzyǧuşy közı aşyq jastardyŋ köbeigenıne şyn jürekten quanyşty ekenderın aitty.«Köpşılıgıŋız bılesızder, qazır dın taqyryby el auzynda jiı talqylanuda. Bızdıŋ maqsatymyz jat aǧymnyŋ artynan adasuşy jastardyŋ baǧytyn tüzep, közın aşu. Būl baiqauda osy maqsat negızınde jüzege asqan bolatyn. Men maqalalar men materialdardy tekseru barysynda dın taqyrybyna şynaiy jany aşyp, äleumettık mäselege özındık jaqsylyǧyn tigızgısı keletın janaşyr jastardyŋ bar ekenın ūǧynyp şynaiy quandym. Bastysy elım deitın er bolsa, erım deitın el tabylady», - dedı Almaty qalasy Dın ısterı jönındegı basqarmasy basşysynyŋ orynbasary Erǧali Koşeke.Maqalalar joldaǧan qatysuşylar arasynan yntalandyru sertifikattary men qarjylai syilyqqa Säule İsabaeva, Beknūr Kisikov, Äbzelbek Şynar, Nūrmūhammed Meimanqoja, Şaǧyrbai Almasbek esımdı jastar ie boldy. Irı qarjylai syilyqtar ielengender qatarynan qazaq tılındegı internet-resurs maqalasy boiynşa Qanat Süleimenov – 250 000 tg, orys tılınde Dastan Eldesov – 250 000 tg, üzdık qysqa beinerolik nominasiiasy boiynşa – Ersūltan Rahimbek, Oljas Aitpanov, Ashat Baitöre qanjyǧaly boldy. Al eŋ belsendı bloger jüldesı – Elnar Berıkbaevqa būiyrdy. Beinerolik avtorlary dın taqyrybynda tüsırgen videolaryn jinalǧan köpşılıkke körsetıp oŋ baǧalaryn aldy. Sondai-aq olar tüsırılım kezındegı qyzyqtarymen bölıstı. Sonymen qatar qazırgı taŋda jastar arasynda äleumettık jelıde dın salasy boiynşa kontent taratyp jürgen bloger Elnar Berıkbaev ta atalmyş ısınıŋ azamattyq mındetı ekenın atai kettı.
«Qazırgı taŋda tik tok jelısı men instagramda dästür men salt, dın men mädenietke qatysty tyŋ derektermen bölısıp otyramyn. Videolar köbıne qyzyq. 800 myŋnan astam qaralym jinap otyrady. Äuelgı maqsatym – jastardyŋ salt-dästürge degen janaşyrlyǧyn oiatu, dıni közqarasyn tüzeu. Blog jürgızu menıŋ ärı hobbiım, ärı azamattyq mındetım. Sebebı alǧan bılımımdı özgelermen bölısıp otyrǧym keledı», - dedı Elnar Berıkbaev.Aita keteiık, Almaty qalasy Dın ısterı basqarmasy atalmyş baiqaudy jyl saiyn ūiymdastyryp keledı.
«Adyrna» ūlttyq portaly
