«Şalqar» radiosy - qazaqtyŋ küretamyry, ūlttyŋ ünjariiasy. Ǧasyrlar qoinauynan kele jatqan töl mūramyzdy nasihattauda ölşeusız eŋbek etıp kele jatqan ūlttyq radio älı de tyŋ jaŋalyqtarymen tyŋdarmanyn quanta bermek. Biyl bız üşın erekşe, şyǧarmaşylyq tabys pen eŋbektıŋ jemısıne toly jyl boldy.
Öitkenı ūlttyŋ ünjariiasy «Şalqar» radiosynyŋ 60 jyldyq mereitoiy jäne būl toi jyl basynan berı atap ötılude. Mereitoilyq şaralar aiasynda qazaqtyŋ tūŋǧyş radiodiktory, Qazaq radiosynyŋ ardagerı, KSRO-nyŋ Qūrmettı radisı, Qazaq KSR-nıŋ eŋbek sıŋırgen mädeniet qairatkerı Mina Seiıtova atyndaǧy diktorlar baiqauy jariialanǧan bolatyn. Baiqaudyŋ demeuşısı – körnektı jazuşy «Ǧabiden Qūlahmet» qory.
Qazaqtyŋ tūŋǧyş radiodiktory, Qazaq radiosynyŋ ardagerı, KSRO-nyŋ Qūrmettı radisı, Qazaq KSR-nıŋ eŋbek sıŋırgen mädeniet qairatkerı Mina Seiıtova atyndaǧy diktorlar baiqauyna 17 men 35 jas aralyǧyndaǧy ümıtkerler qatysty. Būl saiysta mekteptıŋ 11-synyp oquşylarynan bastap, kolledj jäne JOO studentterı jäne är türlı salanyŋ mamandary özınıŋ baǧyn synady. Baiqaudyŋ talaby boiynşa, jazuşy Ǧabiden Qūlahmet şyǧarmalarynan ekı minuttyq mätındı oqyp, audiofailmen bırge özınıŋ qysqaşa ömırbaianyn joldaǧan bolatyn.
Jazuşy şyǧarmaşylyǧyna tereŋ boilap, özı taŋdap alǧan bölımdı tyŋdauşyǧa şeber jetkızu jäne dauys körkemdıgı men tıl anyqtyǧyn qazylar alqasy jıtı baqylady. Nätijesınde baiqauǧa 36 jūmys kelıp tüstı. Baiqau şartyna jasy säikes kelmei jūmysy qabyldanbaǧan qatysuşylar sany-5, Änuarbek Baijanbaev atyndaǧy baiqaudyŋ jeŋımpazy retınde qatysa almaǧan jūmys sany-2 boldy. Qalǧan 29 qatysuşyny saraptap, tamyrşydai däl basqan qazylar alqasy şynaiy jüirıktı anyqtauda bıraz ter töktı.
Būl şaraǧa «Qazaq radiolary» JŞS direktory Nūrtas Soltanūly, jazuşy Ǧabiden Qūlahmet qorynyŋ» ökılı Timur Temırbolatov, radio ardagerı, diktor Amanjan Eŋsebaiūly, “Qazaqstan” Ūlttyq arnasynyŋ bas prodiuserı Bolat Mürsälım jäne radio ūjymy qatysty.
Diktorlar baiqauy-«Şalqar» radiosynyŋ töl brendı. Biylǧy saiys «Şalqar» radiosynyŋ 60 jyldyq mereitoiymen tūspa tūs kelıp otyr. Osy qazaqtyŋ tūŋǧyş radiodiktory Mina Seiıtova atyndaǧy diktorlar baiqauynyŋ aşyluy ardaqty diktordyŋ «Altyn qorymyzda» saqtalǧan ünın tyŋdaudan bastaldy. Alǧaşqy qūttyqtau söz kezegın alǧan «Qazaq radiolary» JŞS direktory Nūrtas Soltanūly Ǧabiden Qūlahmet qorynyŋ ökılı Timur Temırbolatovqa «Alǧys hat» tabystady.
Qazaqta bap şaba ma, baq şaba ma degen ataly söz bar. Baiqaudyŋ qazylar alqasynyŋ töraǧasy Qazaqstannyŋ eŋbek sıŋırgen qairatkerı, ardager diktor Amanjan Eŋsebaiūly aǧamyz qanşama ümıtkerdıŋ ışınen baǧy ozyp, diktorlar baiqauynyŋ jeŋımpazy degen märtebelı ataqqa ie bolǧan jüldegerlerdı qūttyqtap, batasyn berdı.
Bes yntalandyru syilyǧyn Astana qalasyndaǧy L.N. Gumilev atyndaǧy Euraziia ūlttyq universitetınde jurnalistika mamandyǧy boiynşa 3-kurs studentı Asyl Myrzaǧaliev pen «Jetısu» radiosynda redaktor, «Jolyŋ bolsyn jolauşy» habarynyŋ jürgızuşısı Jūmadıl Arailym jäne Äl-Farabi atyndaǧy Qazaq ūlttyq universitetı Jurnalistika fakultetınıŋ 2-kurs studentı Aiqyn Mali, Temırbek Jürgenov atyndaǧy Qazaq Ūlttyq Öner akademiiasynyŋ 2-kurs studentı, «Şalqar» radiosynyŋ tūraqty tyŋdarmany Joldas Rauan, Şahmardan Esenov atyndaǧy Kaspii tehnologiialar jäne injiniring universitetı Elektr energetikasy tobynyŋ 1-kurs studentı Ermūrat Orynbaev ielendı.
3 oryn KİMEP Universitetınıŋ Menedjment mamandyǧy boiynşa studentı, Ortalyq Aziia sifrlandyru sarapşylary qauymdastyǧynyŋ (CADEA) vise-prezidentı jäne qūryltaişysy Sarqytbai Ersūltan, «Jibek Joly/Silk Way» telearnasy efirlık qamtamasyz etu qyzmetınıŋ efir aǧa redaktory Aqmaral Berǧazdenova, Esık qalasyndaǧy «Esık gumanitarlyq - pedagogikalyq» kolledjıne «Qazaq tılı men ädebietı mūǧalımı» mamandyǧynyŋ 3-kurs studentı Tūrǧynbek Aibynǧa būiyrdy.
2 oryndy Süleimen Demirel atyndaǧy universitet jurnalistika fakultetınıŋ 1-kurs studentı Nūrǧali Nūraiym men Jetısu obylysy Tekelı qalasyndaǧy № 5-mektepte qazaq tılı men ädebietı pänı mūǧalımı Ädılet Serıkūlyna tabystady.
1 oryndy «Tūran TV» telearnasynyŋ jurnalist-redaktory Qūrmanqūl Daryn jäne «Habar» telearnasy «Oinaiyq!» baǧdarlamasynyŋ jürgızuşısı, akter, şoumen Oljabai Daryn, iaǧni qos Daryn esımdı jıgıtter ielendı.
Al bas jüldenı «Kultobe podcast» iutub arnasynyŋ jurnalisı jäne Äl-Farabi atyndaǧy Qazaq ūlttyq universitetı jurnalistika fakultetınıŋ aǧa oqytuşysy Berıkbol Tölegen ūtyp aldy. Būl jeŋıs –talmai eŋbektenudıŋ, köp ızdenıstıŋ, radioǧa degen süiıspenşılıktıŋ jemısı. Qūttyqtaimyz! Baiqauǧa qatysuşylarǧa aldyŋǧy buyn aǧa-apalarynyŋ jolyn bersın.
Söz soŋynda, Qazaq radiosynyŋ ardagerı, KSRO-nyŋ Qūrmettı radisı, Qazaq KSR-nıŋ eŋbek sıŋırgen mädeniet qairatkerı Mina Seiıtova atyndaǧy diktorlar baiqauyna demeuşılık jasaǧan jazuşy Ǧabiden Qūlahmet qoryna alǧys bıldıremız! «Şalqar» radiosy şaryqtai bersın!
