Äleumettık jelılerde Balqaş qalasyndaǧy jarylystyŋ videosy tarady, dep habarlaidy "Adyrna" tılşısı.
Tötenşe jaǧdailar basqarmasy būl tas karerındegı josparly jarylys jūmystary ekenın habarlady.
Vedomstvo mälımetınşe, 1 qazanda saǧat 14:34 şamasynda äleumettık jelılerge jürgızılgen monitoring kezınde Balqaştaǧy jarylys turaly beinejazba anyqtalǧan.
TJB jedel toby jarylys sol künı saǧat 10:30 şamasynda qalanyŋ soltüstık-şyǧys bölıgındegı «NEGIZ-D» JŞS-ne tiesılı tas karerınde bolǧanyn anyqtady.
Karer aumaǧynda «Burtranscompany» JŞS merdıger ūiymy tau jynystaryn ūsaqtau maqsatynda jarylys jūmystaryn jürgızgen.
Tötenşe jaǧdailar basqarmasynyŋ habarlauynşa, jūmystar aldyn ala belgılengen kestege säikes jäne tiıstı rūqsat negızınde oryndalǧan.
Ūqsas jaŋalyqtar
