Memleket basşysy Qasym-Jomart Toqaev qorǧanys ministrlıgınıŋ üş joǧary lauazymdy äskeri şeneunıktı qyzmetınen bosatu turaly ökımderge qol qoidy, dep habarlaidy "Adyrna" ūlttyq portaly.
Būl turaly Aqorda habarlady.
Ökımge säikes:
General-leitenant Qanyş Äbubäkırov qorǧanys ministrınıŋ bırınşı orynbasary – Qazaqstan Qaruly küşterı Bas ştabynyŋ bastyǧy qyzmetınen bosatyldy. Ol būl qyzmetke 2026 jylǧy 17 qaŋtarda Prezident ökımımen taǧaiyndalǧan edı.
General-maior Almaz Jūmakeev qorǧanys ministrınıŋ orynbasary qyzmetınen 3 qazan künı bosatyldy. Būǧan deiın 2022 jylǧy nauryzdan bastap Qaruly Küşterdıŋ Desanttyq-şabuyldau äskerlerın basqardy. 2026 jylǧy 11 nauryzda Prezident ökımımen Qorǧanys ministrınıŋ tyl jäne äskeri infraqūrylym jönındegı orynbasary bolyp taǧaiyndalǧan edı.
Üşınşı äskeri qyzmetşı Qanat Niiazbekov te Qazaqstan Qaruly küşterı Äskeri-teŋız küşterınıŋ bas qolbasşysy qyzmetınen bosatyldy.
1 rangaly kapitan Qanat Niiazbekov atalmyş qyzmetke 2025 jylǧy 15 tamyzda Prezident ökımımen kırısken.
Aita keteiık, 24 qyrküiekte Maŋǧystau oblysynda Äskeri-teŋız küşterınıŋ oqu-jattyǧuy kezınde 17 äskeri qyzmetşını Kaspii teŋızıne tolqyn alyp ketken. Üşeuı qūtqarylyp, 14 äskeri qyzmetşı qaza tapty.
Oqiǧaǧa bailanysty qylmystyq ıs qozǧalyp, bes äskeri qyzmetşı küdıktı dep tanyldy. Qaiǧyly jaǧdaidyŋ sebepterın anyqtau üşın Ükımettık komissiia qūryldy.
Prezident Qasym-Jomart Toqaev qaiǧyly jaǧdaidan soŋ qorǧanys ministrlıgındegı ısterdıŋ jai-küiıne keşendı tekseru jürgızu jönındegı arnaiy komissiia qūruǧa tapsyrma bergen. Komissiia alǧaşqy aptadan-aq Memleket basşysyna tekserıs nätijesı boiynşa esep beruı tiıs.
