Almaty taularynda joǧalyp ketken Oŋtüstık Koreia azamatyn ızdeu jūmystary jalǧasyp jatyr, dep habarlaidy «Adyrna» tılşısı.
Tötenşe jaǧdailar ministrlıgınıŋ mälımetınşe, qūtqaruşylar Koreia Respublikasynyŋ azamatyn ızdeu aiasynda tauly aimaqtardy tekserudı jalǧastyruda.
«Izdeu jūmystary jer bederınıŋ kürdelılıgıne, aumaqtyŋ auqymdylyǧyna jäne biıktık aiyrmaşylyqtarynyŋ köp boluyna bailanysty qiyn jaǧdaida jürgızılude. Äsırese jetuı qiyn uchaskelerge, tau betkeilerıne, şatqaldarǧa jäne ötuge qolaisyz basqa da aimaqtarǧa erekşe nazar audaryluda», – dep jazdy ministrlıktıŋ baspasöz qyzmetı.
Izdeu-qūtqaru jūmystaryna TJM qyzmetkerlerı men erıktılerden qūralǧan 88 adam, 10 tehnika, üş kinologiialyq top jäne jetı ūşqyşsyz ūşu apparaty jūmyldyrylǧan.
«Izdeu jūmystary üzdıksız jürgızılude. Tartylǧan küşter men qūraldar tauly aumaqtardy kezeŋ-kezeŋımen tekserıp jatyr. Izdeu-qūtqaru operasiiasynyŋ barysy TJM-nıŋ tūraqty baqylauynda», – delıngen habarlamada.
Eske salaiyq, 1953 jyly tuǧan Oŋtüstık Koreia azamatynyŋ joǧalǧany turaly aqparat qūtqaruşylarǧa 29 qyrküiekte tüsken bolatyn.
