Bügın, 7 qazanda Resei prezidentı Vladimir Putin 74 jasqa toldy. Alaida memleket basşysy tuǧan künın atap ötpeidı. Būl turaly memleket basşysynyŋ kömekşısı Iýrii Uşakov aitty, dep habarlaidy «Adyrna» tılşısı.
Onyŋ sözınşe, prezidenttıŋ būl küngı jūmys kestesıne bırqatar ıskerlık kezdesu men şaralar engızılgen.
«Būl kelıssözder turaly aqparat saitta jedel türde jariialanyp otyrady», — dedı Uşakov.
Al 8–9 qazanda Putin TMD memleketterı basşylary keŋesınıŋ otyrysyna qatysady. Sapar aiasynda Kaspii ekologiialyq sammitın ötkızu josparlanǧan.
Sammittıŋ negızgı taqyryptarynyŋ bırı — Kaspii teŋızınıŋ tartyluy mäselesı. Kezdesu qorytyndysy boiynşa ekologiialyq deklarasiia qabyldanady dep kütılude.
Kaspii ekologiialyq sammitı barysynda Resei, Qazaqstan, Äzerbaijan, İran jäne Türkımenstan prezidentterı Kaspii maŋy elderınıŋ tabiǧatty qorǧau salasyndaǧy yntymaqtastyǧyn damytu mäselelerın talqylaidy. Atap aitqanda, Kaspii teŋızınıŋ tartyluynyŋ aldyn alu jäne onyŋ biologiialyq resurstaryn saqtau şaralary qarastyrylady.
Aita ketu kerek, Reseide erlerdıŋ zeinetkerlık jasyn 60-tan 65-ke deiın arttyru közdelude.
Eske salaiyq, biyl 17 mamyrda memleket basşysy Qasym-Jomart Toqaev 73 jasqa tolǧan edı. Ol būl kündı dästür boiynşa jūmys ornynda qarsy aldy.
