Astanada Astana Media Week 2026 mereitoilyq media aptalyǧy aiasynda «Tūmar» jäne «Ürker» ūlttyq syilyqtarynyŋ jeŋımpazdaryn marapattau räsımı öttı. Biyl qos syilyq alǧaş ret Qazaqstan Media Awards ortaq atauymen tabystaldy.
Saltanatty ıs-şaraǧa elımızdıŋ tükpır-tükpırınen otandyq media salasynyŋ ökılderı, jurnalister, redaktorlar, telejürgızuşıler men şyǧarmaşylyq ūjymdar qatysty.
Marapattau räsımınde Qazaqstan Respublikasynyŋ Mädeniet jäne aqparat ministrı Arman Qyryqbaev söz söiledı. Ministr jaŋa tehnologiialar men jasandy intellekt qanşalyqty qarqyndy damysa da, käsıbi jurnalistika men öz ısıne adal mamandar qaşanda sūranysqa ie bolatynyn atap öttı.
«Memleket basşysy jurnalistika salasyna ärdaiym erekşe köŋıl bölıp, äleumettık jäne moraldyq tūrǧydan ünemı qoldau körsetıp keledı. Bolaşaqta da memlekettıŋ media salasyna qatysty saiasaty özgermeidı dep oilaimyn», – dedı Arman Qyryqbaev.
Is-şaraǧa Qazaqstan Respublikasy Qūryltaiynyŋ deputattary Sergei Ponomarev, Ünzila Şapaq, Janarbek Äşımjan, Qazaqstan Halyq Keŋesınıŋ müşesı Nūrtöre Jüsıp, Q.AI bas direktory Dmitrii Mun, Ūlttyq kinony qoldau memlekettık ortalyǧynyŋ basqarma töraǧasy Qūrmanbek Jūmaǧali, Qazaqstan Respublikasynyŋ Prezidentı janyndaǧy Ortalyq kommunikasiialar qyzmetınıŋ direktory Asqar Omarov, sondai-aq memlekettık organdar men media salasynyŋ özge de ökılderı qatysty.
Biyl baiqaudyŋ 12 nominasiiasy boiynşa 600-den astam ötınım tüstı. Syilyqqa televiziia, baspasöz, radio jäne internet jurnalistikasy salasyndaǧy jūmystar qabyldandy.
Osy jyly zamanaui mediatehnologiialar men jurnalistikanyŋ jaŋa formattaryn damytuǧa airyqşa nazar audaryldy. Alǧaş ret «Jurnalistikanyŋ bolaşaǧy: jasandy intellekt salasyndaǧy üzdık joba» nominasiiasy engızıldı.
Jeŋımpazdardy belgılı jurnalister, media salasynyŋ ökılderı men sala sarapşylarynan qūralǧan täuelsız qazylar alqasy anyqtady.
«Tūmar» jäne «Ürker» ūlttyq syilyqtary 2017 jyly Qazaqstan Respublikasy Mädeniet jäne aqparat ministrlıgınıŋ bastamasymen taǧaiyndalǧan. «Tūmar» syilyǧy otandyq televiziiany qoldauǧa jäne damytuǧa baǧyttalsa, «Ürker» baspasöz, radio jäne internet jurnalistikasyndaǧy jetıstıkter üşın berıledı.
2026 jylǧy «Tūmar» jäne «Ürker» ūlttyq syilyqtarynyŋ jeŋımpazdary:
«Tūmar – 2026» ūlttyq televiziialyq syilyǧy
- Üzdık telejürgızuşı – Veronika Vişnevskaia, «Euraziia» bırınşı arnasy;
- Üzdık derektı joba – 24KZ, «4739»;
- Üzdık televiziialyq material – Qazaqstan, «Qarqyndy qūrylys»;
- Üzdık äleumettık joba – Jibek Joly, «Pravda v detaliah»;
- Üzdık telehikaia – Astana TV, «Auyl bapkerı»;
- Üzdık aqparattyq-taldamalyq baǧdarlama – 7-arna, «Novosti».
«Ürker – 2026» ūlttyq syilyǧy
- Jyldyŋ üzdık jurnalisı – Janar Serdalina;
- Üzdık radiojoba – Qazaq radiosy, «Oitūma» baǧdarlamasy;
- Jurnalistikanyŋ bolaşaǧy: jasandy intellekt salasyndaǧy üzdık joba – Altainews Media Centre, «AI-JAN»;
- Üzdık mediajoba – Tengrinews, Tengri TV;
- Jyldyŋ üzdık materialy – Miramgül Rahatqyzy, «Aqtöbe» gazetı, «Jasandy intellekt: adamzat jaŋa däuırge aiaq basty»;
- Üzdık taldamalyq material – Laura Tusupbekova, «Kazahstanskaia pravda» gazetı, «Moia DNK – naşe bogatstvo».
Qazaqstan Media Awards – 2026 arnaiy jüldelerı
- Qazaqstan Respublikasy Prezidentınıŋ teleradiokeşenı – 30 jyl;
- İnformbiuro – 30 jyl.
