Täuelsızdık jyldarynda eldegı aqparat qūraldarynyŋ sany 407-den 4,5 myŋǧa köbeidı. Būl turaly Aqparat jäne qoǧamdyq damu ministrı Aida Balaeva URKER-2021 ūlttyq bäigesınıŋ marapattau şarasynda aitty, dep habarlaidy QazAqparat.
Osy sättı paidalanyp jurnalister qauymy men barşa aqparat salasynyŋ mamandaryn käsıbi merekemen şyn jürekten qūttyqtaimyn. El Täuelsızdıgınıŋ 30 jyly ışınde memleketımızge ötken otandyq media salasy da jaŋaru, damu kezeŋınen öttı. Täuelsızdıktıŋ alǧaşqy jyldary elımızde tek 407 aqparat qūraly, sonyŋ ışınde ekı telearna ǧana bolsa, qazır olardyŋ sany 4,5 myŋnan asty. Bır ǧana «Qazaqstan» ūlttyq arnasy bügınde qūramyna 5 respublikalyq, 14 öŋırlık telearna, 4 radio enetın ülken ūlttyq korporasiiaǧa ainaldy, - dedı ministr.Vedomstvo basşysy aqparat qūraldarynyŋ sanymen bırge sapasy da artqanyn atady.
Ūlttyq media tarihynda tūǧyş ret balalar arnasy Balapan, sport arnasy QazSport, körermenderıŋ közaiymy bolyp otyrǧan Abai arnasy ıske qosyldy. Täulık boiy aqparat taratatyn «Habar-24», 10 millionǧa juyq körermenı bar «El Arna «, älemnıŋ 120-dan astam elıne habar taratatyn Qazaq.tv bar «Habar» agenttıgı – bügın eŋ ırı mediaortalyq. Jalpy el aumaǧynda qazırgı taŋda 184 telearna, 79 radio, 790 aqparattyq agenttık bar, - dedı Aida Balaeva.
Aqparat www.inform.kz saitynan alyndy
Ūqsas jaŋalyqtar
