Türkı memleketterı ūiymyna (TMŪ) müşe elderdıŋ ortaq aqparattyq keŋıstıgın damytu Äzerbaijannyŋ türkı älemımen yntymaqtastyǧynyŋ maŋyzdy baǧyttarynyŋ bırı bolyp qala beredı. Būl turaly Report jazdy, dep habarlaidy "Adyrna".
Būl jönınde Äzerbaijannyŋ Media jäne habar taratu keŋesınıŋ halyqaralyq bailanystar jäne qūjat ainalymy departamentınıŋ direktory Rasim Baǧirov Astanada ötken TMŪ-ǧa müşe elderdıŋ BAQ jäne aqparat mäselelerıne jauapty ministrlerı men joǧary lauazymdy tūlǧalarynyŋ VIII kezdesuınde mälımdedı.
Onyŋ aituynşa, prezident İlham Älievtıŋ basşylyǧymen türkı älemımen bailanysty nyǧaitu Äzerbaijan syrtqy saiasatynyŋ negızgı basymdyqtarynyŋ bırı bolyp qala beredı. Al media jäne aqparat salasyndaǧy yntymaqtastyq osy qarym-qatynastardyŋ maŋyzdy qūramdas bölıgı sanalady.
Baǧirov senımdı jaŋalyqtarmen tūraqty almasu, aqparat agenttıkterı men teleradio kompaniialary arasyndaǧy bailanysty keŋeitu ortaq mädeni jäne tarihi mūrany naqty bırlesken jobalarǧa ainaldyruǧa mümkındık beretının atap öttı. Ol mysal retınde Türkı aqparat agenttıkterı aliansyn (ATNA) atady.
Sonymen qatar ol bırlesken derektı filmder tüsırudıŋ, mädeni-aǧartuşylyq baǧdarlamalar äzırleudıŋ, media jobalarmen almasudyŋ jäne jurnalisterdıŋ käsıbi saparlaryn ūiymdastyrudyŋ maŋyzdylyǧyna toqtaldy. Mūndai jūmystar özara tüsınıstıktı nyǧaityp, türkı älemınıŋ ūstanymyn halyqaralyq auditoriiaǧa jetkızuge yqpal etedı.
Baǧirov jasandy intellektını engızu mäselesıne de erekşe nazar audardy. Onyŋ aituynşa, jaŋa tehnologiialar aqparat öndıru, audaru jäne taratu mümkındıkterın keŋeitedı. Alaida jasandy intellekt kömegımen jasalǧan suretter, audio jäne beinematerialdardyŋ köbeiuı kontenttıŋ şynaiylyǧyn tekserudı qiyndatyp otyr.
Onyŋ pıkırınşe, BAQ pen memlekettık kommunikasiialarda jasandy intellektını qoldanu adam baqylauymen, redaksiialyq jauapkerşılıkpen jäne qūpiia derekterdı qorǧaumen qatar jüruı kerek. TMŪ elderınıŋ yntymaqtastyǧy aqparattyq qauıp-qaterlerge qarsy tūru täjıribesımen almasuǧa jäne faktılerdı tekseru tetıkterın jetıldıruge mümkındık beredı.
Sondai-aq Baǧirov Äzerbaijannyŋ Türkiia, Qazaqstan jäne Özbekstanmen ekıjaqty media yntymaqtastyǧynyŋ damuy turaly aitty. Atap aitqanda, memorandumdardy ıske asyru, media turlar ūiymdastyru, bılım beru jäne käsıbi täjıribe almasu baǧytyndaǧy jūmystarǧa toqtaldy.
Ol jalǧan aqparatqa tözımdılık käsıbi deŋgeiı joǧary BAQ-qa, qoǧamdy uaqtyly aqparattandyruǧa jäne azamattardyŋ mediasauattylyǧyna bailanysty ekenın atap öttı. Osy oraida öŋırlık redaksiialardy qoldau, aqparatty tekseru, sifrlyq qauıpsızdık, multimedialyq önımder äzırleu jäne jasandy intellektını jauapkerşılıkpen paidalanu salalarynda mamandar daiarlau maŋyzdy.
Būdan bölek, Äzerbaijan ökılı halyqaralyq dialogty damytuda Şuşa jahandyq mediaforumy men 2026 jylǧy 1 qazanda Bakude ötken Aziiadaǧy özara ıs-qimyl jäne senım şaralary keŋesınıŋ (AÖSŞK) alǧaşqy mediaforumynyŋ maŋyzyn atap öttı. Būl alaŋdar aqparatqa degen senımdı nyǧaituǧa jäne BAQ arasyndaǧy yntymaqtastyqty damytuǧa baǧyttalǧan.
