Foto: Sport jäne turizm ministrlıgı
Japoniianyŋ Aiti prefekturasy men Nagoia qalasynda ötıp jatqan Aziia Para oiyndarynda Qazaqstan qūramasy taǧy bes medal jeŋıp aldy. Būl turaly Ūlttyq olimpiada komitetınıŋ baspasöz qyzmetı habarlady, dep jazady “Adyrna”.
«Japoniianyŋ Aiti prefekturasy men Nagoia qalasynda ötıp jatqan Aziia Para oiyndarynda Qazaqstan qūramasynyŋ qorjyny taǧy bırneşe jüldemen tolyqty», – delıngen jūma künı jariialanǧan habarlamada.
Ūlttyq olimpiada komitetınıŋ mälımetınşe, paradziudodan 95 kelıge deiıngı salmaq därejesınde, J2 klasynda synǧa tüsken Janbota Amanjol kümıs medal ielendı.
Sadaq atudan W1 klasyndaǧy erler arasyndaǧy jarysta Nūrşat Töleuqasym qola jüldeger atandy. Üşınşı oryn üşın ötken kezdesude qazaqstandyq sportşy Tailand ökılı Suphavat Samutchaiiakidjdı 6:2 esebımen jeŋdı.
Iаdro laqtyrudan F36 klasynda Qazaqstan qūramasynyŋ qorjyny taǧy ekı medalmen tolyqty. Dastan Mūqaşbekov 15,47 metr nätijemen kümıs medal jeŋıp alsa, İvan Zelezniak 12,71 metr körsetkışpen qola jüldege qol jetkızdı.
Sondai-aq paraüstel tennisınen Marat Sūrtbaev pen Altynai Erjanqyzy Qazaqstan qūramasyna taǧy ekı qola medal syilady.
Aralas jūptyq synda XD20 klasynda öner körsetken qazaqstandyq jūp jartylai finalda Gonkong sportşylary Lam Iаn Iý men Vong Hon Lamǧa ese jıberdı. Qarsylastar üş sette de basym tüsıp, 11:7, 11:4 jäne 11:8 esebımen jeŋıske jettı. Osylaişa, qazaqstandyq sportşylar qola medal ielendı.
Osy nätijelerden keiın Qazaqstan qūramasynyŋ qorjynyndaǧy medal sany 41-ge jettı. Onyŋ ışınde 10 altyn, 12 kümıs jäne 19 qola medal bar.
