Qazaqstandyq parajüzuşı Äli Tūrǧanbekov 2026 jylǧy Aziia Para oiyndarynda kümıs medal jeŋıp aldy. Otandasymyz SB4 sanatynda 100 metrge brass ädısımen jüzuden ötken finaldyq jarysta 1 minut 44,26 sekund nätijesın körsettı. Osylaişa, ol jarysty ekınşı orynmen aiaqtady, dep habarlaidy "Adyrna".
Altyn medal Malaiziia ökılıne būiyrdy. Ol qaşyqtyqty 1 minut 41,44 sekundta jüzıp ötıp, Aziia Para oiyndarynyŋ jaŋa rekordyn ornatty.
Aita keteiık, Äli Tūrǧanbekov ırıkteu kezeŋınde üzdık nätije körsetıp, jarys rekordyn jaŋartqan edı. Alaida finalda qarsylasyna jol berıp, kümıs jüldenı qanaǧat tūtty.
Äli Tūrǧanbekov — Qazaqstannyŋ tanymal parasportşylarynyŋ bırı. Ol Taldyqorǧan qalasynda düniege kelgen. Tua bıtken erekşelıgıne qaramastan, bala kezınen sportqa qyzyǧuşylyq tanytyp, jüzu arqyly ülken jetıstıkterge jetudı maqsat etken.
Balasynyŋ damuyna qolaily jaǧdai jasau üşın otbasy elordaǧa köşken. Keiın Äli parajüzumen jüielı türde ainalysyp, tabandy jattyǧulardyŋ nätijesınde Qazaqstan ūlttyq qūramasynyŋ qataryna qosyldy.
Sportşynyŋ jetıstıkterı arasynda Qazaqstan men Aziia deŋgeiındegı jasöspırımder jarystarynda jeŋıp alǧan onnan astam altyn medal bar. Ol halyqaralyq jarystarda da el namysyn abyroimen qorǧap keledı.
Äli Tūrǧanbekovtıŋ ömır joly sporttyq jetıstıkterımen ǧana emes, älemge äigılı tūlǧalarmen kezdesulerımen de köpşılıkke tanymal. Bala kezınen futbolǧa äues bolǧan ol älemdık futbol jūldyzdarymen jüzdesudı armandaǧan.
Qaisarlyǧy men jaqyndarynyŋ qoldauynyŋ arqasynda Äli Diego Maradona, Lionel Messi, Kriştianu Ronaldu, Neimar, Mohammed Salah, Luka Modrich jäne Andrei Şevchenko syndy futbol aŋyzdarymen kezdesken. Olardyŋ keibırımen bırge futbol oinaudyŋ da sätı tüsken.
2019 jyly qazaqstandyq jasöspırım UEFA Superkubogyn «Liverpul» komandasynyŋ kapitanyna tabystau qūrmetıne ie boldy. Sonymen qatar ol äigılı MMA sportşysy Habib Nurmagomedovpen jäne motivasiialyq spiker Nik Vuichichpen jüzdesken.
Äli Tūrǧanbekovtıŋ kezektı halyqaralyq jetıstıgı qazaqstandyq parasporttyŋ damuyna qosylǧan üles bolyp, jas sportşylarǧa jıger bererı sözsız.
