Qazaqstan quramasy Azııa chempıonatyn kúmis júldemen aıaqtady, dep habarlaıdy "Adyrna" tilshisi QR Týrızm jáne sport mınıstrligi Sportty damytý dırekııasynyń baspasóz qyzmetine siltep.
Kýveıt astanasynda aıaqtalǵan Azııa chempıonatynda qazaqstandyq sportshylar kúmis medal jeńip aldy.
Stend atýdyń skıt baǵdarlamasyndaǵy Qazaqstan-1 quramasy altyn medal jolynda Qytaı mergenderimen báske tústi. Alaıda el sportshylary bul dýelde qarsylasqa ese jiberip, 43-45 upaımen ekinshi orynnan kórindi.
Qola júlde Bahreın men Úndistan quramasyna buıyrdy.
Osy tusta bul jattyǵý jańa ereje boıynsha ótkenin aıta keteıik. Jarys barysynda ár mergen ádettegideı 2 emes, 4 retten nysana kózdep, mergendik tanytty. Bul ár pozıııada 2 oq atqannan keıin jyljyp otyratyn sheberler úshin tosyn jaı bolǵany anyq.
Kele jatqan Parıj Olımpıadasynda skıt baǵdarlamasynda aralas juptyq synda júlde sarapqa salynady. Alaıda Kýveıttegi sary qurlyq dodasynda lıenzııa úlestirilgen joq.
Qazaqstan quramasy Azııa chempıonatynda 3 altyn, 1 kúmis jáne 4 qola medalmen jalpy esepte 2-oryndy enshiledi. Al 5 altynmen kósh bastap turǵan Qytaı bolsa, úzdik úshtikti 2 altyn júldemen Qytaıdyń Taıpeıi túıindedi.
Bıyl 35 elden 350-den astam sportshy ózara synǵa tústi. Bul qatarda 18 qazaqstandyq attandy.
