Qytai Qorǧanys ministrı Li Şanfu 4 mausymda Singapurde ötken Şangri-La qauıpsızdık forumynda halyqaralyq auditoriia aldynda AQŞ, Taivan, Ukraina turaly aityp, AQŞ-ty synady. Būl turaly DW basylymy jariialady, dep habarlaidy “Adyrna” ūlttyq portaly.
Ol Qytai men AQŞ jüielerınıŋ ärtürlıgıne jäne basqa da köptegen aspektılerde erekşelenetınıne toqtaldy. Sondai-aq, Qytai men AQŞ arsynda qaqtyǧys bolsa älem üşın tözgısız apat oryn alatynyn alǧa tartty.
Bıraq būl ekıjaqty bailanystardy damytu jäne yntymaqtastyqty tereŋdetu üşın ortaq tıl tabuǧa kedergı bolmauy kerek. Qytai men AQŞ arasynda kürdelı qaqtyǧys nemese qarama-qaişylyq bolsa būl älem üşın tözgısız apatqa ainalady, - dedı ol.
Li Qytaidyŋ AQŞ-qa qarsy şaǧymdary bar ekenın de aita kettı.
Ūly el öz müddesı üşın bloktyq qaqtyǧysty tudyrmauy kerek, soǧan säikes äreket etuı kerek,- dedı Qytaidyŋ Qorǧanys ministrı.
Sonymen qatar, Qytai ministrı Taivan turaly da aita kettı. Ol Qytai Taivandy baqylauǧa aludy "ūlttyq jaŋǧyru" mäselesı retınde qarastyratynyn alǧa tartty.
Taivan - Qytailyq Taivan, al Taivan mäselesın qalai şeşu Qytaidyŋ öz erkı. Eger Taivandy Qytaidan bıreu bölıp almaq bolsa, Qytai äskerı bır sekundqa da tartynbaidy, - dedı ol.
Li Ukrainadaǧy soǧys turaly da söz qozǧady. Qytaidyŋ qorǧanys ministrı Beijıŋ beibıt kelıssözderdı jeŋıldetu üşın bar küş-jıgerın salyp jatqanyn jäne soǧys qimyldarynyŋ tezırek toqtatyluyna ümıttenetının aitty.
