Foto: Us Navy/U.S. Navy/Planet Pix/ZUMA/picture alliance
27 mausym künı AQŞ Äue küşterı İrannyŋ äskeri baqylau infraqūrylymyna, bailanys jüielerıne, äue şabuylyna qarsy qorǧanys nysandaryna, drondar qoimalaryna jäne teŋız minalaryn saqtau oryndaryna äue soqqylaryn jasady. AQŞ Ortalyq qolbasşylyǧynyŋ (CENTCOM) mälımetınşe, būl äreket İrannyŋ kommersiialyq keme qatynasyna qarsy şabuyldaryna jauap retınde jüzege asyrylǧan, dep habarlaidy “Adyrna”.
«Keşe AQŞ-tyŋ İrannyŋ Ever Lovely kemesıne jasaǧan şabuylyna jauap retınde bergen soqqysynan keiın İranǧa atysty toqtatu turaly kelısımdı saqtau mümkındıgı berıldı. Alaida ol mūny oryndamady: bügın Soltüstık Amerikanyŋ şyǧys uaqyty boiynşa taŋǧy 4:30-da (Astana uaqytymen 13:30) irandyq kamikadze-dron Kiku tankerıne şabuyl jasady. Panama tuymen jüzıp kele jatqan būl tanker Ormuz būǧazy maŋynda ekı millionnan astam barrel şikı mūnai tasymaldap bara jatqan», – dep habarlady CENTCOM X äleumettık jelısınde.
AQŞ äskerı Ormuz būǧazy arqyly sauda kemelerınıŋ qozǧalysy jalǧasyp jatqanyn jäne AQŞ Qaruly küşterı tolyq jauyngerlık daiyndyqta ekenın mälımdedı.
Kuveit armiiasy X äleumettık jelısınde eldıŋ äue qorǧanys küşterı zymyrandar men drondardyŋ şabuyldaryn toitaryp jatqanyn habarlady. Sonymen qatar, İrannyŋ Press TV telearnasy Bahreinde jarylystar bolǧanyn mälımdedı. Bahrein Işkı ıster ministrlıgı elde äue dabyly jariialanǧanyn habarlap, tūrǧyndardy sabyr saqtap, qauıpsız oryndarǧa jasyrynuǧa şaqyrdy.
İrannyŋ İslam revoliusiiasy saqşylar korpusy (KSİR) Kuveit pen Bahreinge jasalǧan şabuyldar üşın jauapkerşılıktı öz moinyna aldy. Tegeran būl şabuyldardyŋ maqsaty AQŞ-tyŋ äskeri nysandary bolǧanyn jäne olardyŋ amerikalyq soqqylarǧa jauap retınde jasalǧanyn mälımdedı.
26 mausym keşke CENTCOM Ormuz būǧazy arqyly ötken sauda kemesıne jasalǧan şabuylǧa jauap retınde İran aumaǧyna soqqy bergenın habarlady. İrandyq BAQ eldıŋ oŋtüstıgındegı Sirik qalasy men Keşm aralynda jarylystar bolǧanyn jazdy.
Osydan keiın KSİR Taiau Şyǧystaǧy AQŞ äskeri küşterı ornalasqan oryndarǧa soqqy jasaǧanyn mälımdep, «agressiia qaitalansa, būdan da auqymdy jauap beretının» eskerttı. Tegeran men Vaşington bır-bırın bıtımgerşılık kelısımın būzdy dep aiyptady.
Ever Lovely kemesıne jasalǧan şabuyl 17 mausymda AQŞ pen İran arasynda qol qoiylǧan, äskeri äreketterdı toqtatudy jäne Ormuz būǧazyndaǧy keme qatynasyn qalpyna keltırudı közdeitın negızdemelık kelısımnen keiıngı alǧaşqy oqiǧa boldy. Būl şabuyl KSİR qauıpsız keme qatynasy tek İran baqylauyndaǧy baǧyttar arqyly qamtamasyz etıletının mälımdegennen keiın bırneşe saǧat ötken soŋ jasaldy.
AQŞ prezidentı Donald Tramp 27 mausym künı İranǧa jaŋa soqqylar jasalǧanyn rastady jäne mūny atysty toqtatu turaly kelısımnıŋ būzyluymen tüsındırdı.
«Endı sabyr saqtai almaityn jaǧdai tuuy mümkın. Ondai jaǧdaida bız öte sättı bastaǧan ıstı äskeri jolmen tolyq aiaqtauǧa mäjbür bolamyz. Eger solai bolsa, İran İslam Respublikasy ömır süruın toqtatady!» – dep jazdy Aq üi basşysy Truth Social platformasynda.
