İrannyŋ Hormozgan provinsiiasyndaǧy Minab qalasynda bastauyş mektepke jasalǧan şabuyl kezınde qaza tapqan oquşyladyŋ mäiıt qaldyqtaryn jerleu räsımı öttı. Būl turaly Tasnim News agenttıgı jazdy, dep habarlaidy "Adyrna".
Agenttıktıŋ mälımetınşe, jerleu räsımınde ızdestıru-qūtqaru jūmystary barysynda tabylǧan 68 süiek qaldyǧy jer qoinyna tapsyryldy. Saraptama nätijesınde olardyŋ Minab qalasyndaǧy «Şajare-ie Taiiebe» bastauyş qyzdar mektebınde qaza tapqan 34 oquşy qyzǧa tiesılı ekenı anyqtalǧan.
İran bilıgınıŋ mälımetıne säikes, mektepke jasalǧan zymyran soqqysy 2026 jylǧy 28 aqpanda, AQŞ pen İzraildıŋ İranǧa qarsy äskeri operasiiasy bastalǧan künı tırkelgen.
Resmi aqparat boiynşa, şabuyl saldarynan 170-ten astam adam köz jūmǧan. Qaza bolǧandardyŋ basym bölıgın atalǧan mekteptıŋ oquşylary qūraǧan.
İran bilıgı būl oqiǧany el tarihyndaǧy eŋ auyr gumanitarlyq qasıretterdıŋ bırı retınde baǧalap otyr. Tergeu jäne ızdestıru jūmystarynyŋ nätijesınde tabylǧan süiek qaldyqtary arnaiy räsımmen jerlendı.
