Memleket basşysy Qasym-Jomart Toqaev Qazaqstanda ekologiialyq mädeniettı qalyptastyrudy mektep qabyrǧasynan bastau qajet ekenın aitty, dep habarlaidy "Adyrna" ūlttyq portaly.
Prezidenttıŋ aituynşa, balalarǧa tabiǧatty aialau mädenietın erte jastan bılım beru jüiesı arqyly üiretu maŋyzdy.
"Tazalyqtyŋ tıregı – tärbie. Balalardy ekologiialyq mädeniet pen eŋbekke mektep jasynan baulu qajet. Sondyqtan ekologiialyq aksiialarǧa oquşylar men studentterdıŋ belsene qatysqany jön", – dedı Memleket basşysy.
Osyǧan bailanysty Prezident Oqu-aǧartu ministrlıgıne “Jasyl sabaqtar” jobasyn engızudı tapsyrdy. Atalǧan joba aiasynda bılım beru ūiymdarynda su men energiiany ünemdeu, qorşaǧan ortany qorǧau baǧytyndaǧy bastamalardy damytu közdelıp otyr.
Sonymen qatar, Qasym-Jomart Toqaev jastardyŋ ekologiia salasyndaǧy ǧylymi ızdenısterıne memleket tarapynan qoldau körsetu qajettıgın atap öttı.
Prezident “Taza Qazaqstan” bastamasyn tek aksiia retınde emes, jalpyūlttyq qūndylyq deŋgeiıne köteru qajet ekenın jetkızdı.
“Taza Qazaqstan” jaŋa sapalyq deŋgeige köteretın ūlttyq ideia boluy tiıs. Ony qoǧamda ornyqtyru üşın mädeniet salasynyŋ, äsırese kreativtı industriianyŋ äleuetın tiımdı paidalanu qajet", – dedı ol.
