Premer-ministr Oljas Bektenovtıŋ töraǧalyǧymen ötken Ükımet otyrysynda Prezident Qasym-Jomart Toqaevtyŋ «Jaŋa tarihi kezeŋdegı Qazaqstannyŋ özektı mındetterı» atty halyqqa Joldauyn jüzege asyru şaralary qaraldy. Būl turaly bügın, 29 qazanda Ükımettıŋ baspasöz qyzmetı aitty, dep habarlaidy «Adyrna» tılşısı.
«Memleket basşysy Qasym-Jomart Kemelūly Toqaev «Jaŋa tarihi kezeŋdegı Qazaqstannyŋ özektı mındetterı» atty halyqqa Joldauynda Ädılettı, Küştı, Taza, Ozyq Qazaqstandy qūrudy basty maqsat retınde aiqyndady. Oǧan qol jetkızu üşın elımızdıŋ mol äleuetı men qazırgı zamanaui innovasiialyq jaǧdailarda berılıp otyrǧan orasan zor mümkındıkterdı barynşa tiımdı paidalanuymyz qajet.
Prezident jariialaǧan auqymdy «Halyqtyq qūrylys» baǧdarlamasy ekonomikanyŋ barlyq salasyndaǧy tübegeilı infraqūrylymdyq özgerıster men reformalarǧa jol aşady. Jalpyhalyqtyq joba jūmyspen qamtu deŋgeiın arttyryp, azamattardyŋ äl-auqatyn jaqsartuǧa ülken serpın beredı.
Būl Joldau – aldaǧy kezeŋge arnalǧan mazmūndyq tūrǧydan eŋ auqymdy baǧdarlamalyq qūjat. Ony jüzege asyru üşın naqty ıs-qimyl josparyn äzırleuımız kerek», — dep atap öttı Oljas Bektenov.
Elımızdıŋ äleumettık-ekonomikalyq damuynyŋ basym baǧyttary boiynşa memlekettık organdar basşylary baiandama jasady.
