Türkıstan oblysynda polisiia formasyn kiıp, jol boiynda kölık toqtatqan 10 jasar Samūryqqa kıtap syilandy, dep habarlaidy “Adyrna” ūlttyq portaly.
Ony oblystyŋ bas poliseiı arnaiy qabyldady. Kezdesu barysynda balaǧa Prezident Qasym-Jomart Toqaevtyŋ kıtaby syiǧa berıldı.
Türkıstan oblysy PD kezdesuden beinejazba jariialady. Qabyldauǧa Samūryq äkesımen bırge kelgen. Bala būl joly da polisiia formasyn kigen.
Eske salaiyq, būǧan deiın äleumettık jelıde polisiia kiımın kigen balanyŋ jol jiegınde kölıkterdı toqtatyp jürgen videosy taraǧan edı. Osy oqiǧadan keiın onyŋ äkesıne äkımşılık aiyppūl salyndy.
Polisiia departamentı tüsınıkteme berıp, mäsele balanyŋ polisiia qyzmetkerı boluǧa degen armanynda emes, jol boiynda kölık toqtatuy onyŋ ömırı men densaulyǧyna qauıp töndıretınınde ekenın habarlaǧan.
Keiın Türkıstan oblysy PD bastyǧy, polisiia general-maiory Arystanǧani Zapparov Samūryqty arnaiy qabyldady.
Polisiianyŋ mälımetınşe, Sūltanhan Samūryq Dosjanūly üş jasynan bastap polisiia formasyn kiıp, bolaşaqta tärtıp saqşysy boludy armandaidy. Ol adamdarǧa kömektesıp, zaŋ men tärtıptı qorǧaudy maqsat etedı.
Kezdesu barysynda Arystanǧani Zapparov balanyŋ armanyn qoldap, polisiia qyzmetkerı bolu üşın jaqsy bılım alyp, tärtıptı boludyŋ maŋyzyn tüsındırdı. Sondai-aq oǧan Memleket basşysynyŋ kıtabyn tabystady.
Būdan bölek, departament bastyǧy Samūryq oqityn mektepte «Jas saqşy» polisiia synybyn aşudy tapsyrdy. Sondai-aq balany polisiia departamentınıŋ aldaǧy ıs-şaralaryna qatystyryp, tärtıp saqşylarynyŋ kündelıktı qyzmetımen tanystyru ūsynyldy.
