Burabaida halyqaralyq forumdar, körmeler men ırı mädeni ıs-şaralardy ötkızuge arnalǧan köpfunksionaldy kongress-ortalyqtyŋ qūrylysy bastaldy. Jaŋa nysan bır mezette myŋǧa deiın körermen qabyldai alady. Joba öŋırdıŋ turistık äleuetın arttyryp qana qoimai, jergılıktı tūrǧyndar üşın de mädeni-şyǧarmaşylyq ortalyqqa ainalmaq.
Qūrylysqa resmi bastau bergen Aqmola oblysynyŋ äkımı Marat Ahmetjanov jobanyŋ «Halyqtyq qūrylys» baǧdarlamasy aiasynda jüzege asyrylyp jatqanyn atap öttı.
«Būl jobanyŋ MICE-turizmdı damytudaǧy maŋyzy erekşe. Kongress-ortalyq investisiia tartuǧa, şaǧyn jäne orta biznestı, qoǧamdyq tamaqtandyru, kölık jäne qyzmet körsetu salalaryn damytuǧa serpın beredı», – dedı oblys äkımı.
Keşen Promenade Burabay aumaǧynda, 3,1 gektar jer uchaskesınde ornalasady. Ekı qabatty ǧimarattyŋ jalpy audany şamamen 13 myŋ şarşy metr bolady. Mūnda myŋ oryndyq körermen zaly, 160 adamǧa arnalǧan konferens-zal jäne künıne 500 keluşını qabyldaityn körme alaŋdary qarastyrylady.
Sonymen qatar ortalyqta balalar men eresekterge arnalǧan şyǧarmaşylyq studiialar aşylady. Olar vokal, bi jäne muzyka baǧyttaryn qamtyp, 2,5 myŋ tūrǧynnyŋ şyǧarmaşylyqpen ainalysuyna mümkındık beredı.
Keşen qūramynda Qazaqstannyŋ tarihy men mädenietıne arnalǧan muzei keŋıstıgı de bolady. «Qazaqstan panoramasy: öŋırler muzeilerı» ekspozisiiasynda elımızdıŋ är aimaǧynyŋ tarihi-mädeni mūrasy tanystyrylady. Sondai-aq suretşıler men qolöner şeberlerıne arnalǧan şeberhanalar, sifrlyq jäne multimedialyq studiialar aşu josparlanǧan.
Jobanyŋ basty mındetterınıŋ bırı – turistık aǧynnyŋ mausymdyq täueldılıgın azaitu. Kongress-ortalyqtyŋ ıske qosyluy jyl boiy konferensiialar, körmeler, konsertter men türlı mädeni-bılım beru ıs-şaralaryn ötkızuge mümkındık beredı. Būl qonaqüiler, meiramhanalar men basqa da käsıpkerlık nysandarynyŋ damuyna oŋ äser etedı.
Nysannyŋ qūrylysy 2025–2029 jyldarǧa arnalǧan Şuchinsk-Burabai kurorttyq aimaǧyn damytudyŋ keşendı josparyna engızılgen. Qūrylysty 2028 jyly aiaqtau josparlanyp otyr.
