Aqmola oblysynyŋ Atbasar qalasyndaǧy tüzeu mekemesınde jazasyn ötep jatqan azamattyŋ ölımıne qatysty qylmystyq ıs qozǧaldy, dep habarlaidy "Adyrna" ūlttyq portaly Ūlysmediaǧa sıltep.
Marqūmnyŋ tuystary onyŋ qazasyna bailanysty resmi nūsqaǧa kümän keltırıp, ıstı jan-jaqty tekserudı talap etıp otyr.
Qazan aiynda bostandyqqa şyǧuy tiıs bolǧan er adamnyŋ qaitys bolǧany turaly tuystaryna 9 qazanda habarlanǧan. Qylmystyq-atqaru jüiesı komitetınıŋ mälımetınşe, sottalǧan azamat özıne qol jūmsaǧan. Alaida marqūmnyŋ jaqyndary būl nūsqamen kelıspeidı.
Marqūmnyŋ Qaraqat esımdı äpkesı Qazaqstannyŋ Bas prokuraturasy men ışkı ıster ministrlıgıne beineündeu joldaǧan. Onyŋ aituynşa, aǧasy bostandyqqa şyǧatyn künın kütıp, aldaǧy ömırıne jospar qūrǧan. Sondai-aq ol jazasyn öteu kezınde tärtıp būzbaǧanyn aityp, ölımınıŋ män-jaiyn tolyq anyqtaudy sūraǧan.
«2026 jylǧy 9 qazanda otbasymyz qaraly habar aldy. Atbasardaǧy tüzeu mekemesınde jazasyn ötep jatqan aǧamnyŋ qaitys bolǧanyn habarlady. Onyŋ özıne qol jūmsaǧanyn aitty. Bıraq aǧam ömır sürgısı keletın, bolaşaqqa jospary bar adam edı. Men Bas prokuratura men Işkı ıster ministrlıgınen kömek sūraimyn. Beinebaqylau kameralaryndaǧy barlyq jazbany körsetudı talap etemın», – dedı marqūmnyŋ äpkesı.
Tuystary būǧan deiın marqūmnyŋ denesınde mekeme äkımşılıgın aiyptaityn jazu bolǧanyn da mälımdegen. Alaida būl aqparat resmi türde rastalǧan joq.
Qylmystyq-atqaru jüiesı komitetınıŋ habarlauynşa, oqiǧa ornyn tekseru barysynda marqūmnyŋ denesınen dene jaraqattary anyqtalmaǧan. Vedomstvo ökılderı sottalǧan azamattyŋ öler aldynda jazba qaldyrǧany turaly aqparatty da joqqa şyǧardy.
«Sottalǧan azamattyŋ öler aldynda jazba qaldyrǧany turaly mälımet şyndyqqa säikes kelmeidı. Oqiǧa ornyn tekseru kezınde mūndai jazba tabylǧan joq», – dep habarlady komitet.
Oqiǧa ornynan beinebaqylau kameralarynyŋ jazbalary alynǧan. Qazır tergeuşıler er adamnyŋ ölımıne äkelgen jaǧdailardy anyqtap jatyr. Komitet tergeu barysy baqylauda ekenın habarlady.
