Memleket basşysy Qasym-Jomart Toqaev Aqmola oblysynyŋ äkımı Marat Ahmetjanovty qabyldady. Būl turaly bügın, 18 tamyzda Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaevqa Aqmola oblysynyŋ biylǧy bırınşı jartyjyldyqtaǧy äleumettık-ekonomikalyq damuy men öŋırdı örkendetu perspektivasy jönınde baiandaldy.
Marat Ahmetjanov oblysta barlyq negızgı körsetkış boiynşa ösım saqtalyp otyrǧanyn jetkızdı. Öŋır auyl şaruaşylyǧy önımderınıŋ jalpy kölemın 1,2 trillion teŋgege deiın jetkızıp, eldıŋ agrarlyq sektorynyŋ köşbasşysy retındegı ornyn nyǧaitudy közdep otyr. Biyl önımdılıgı öte joǧary, sonyŋ ışınde maily daqyldar alqaby 2,5 ese ūlǧaidy.
Prezidentke investisiialyq jobalardy ıske asyru jönınde mälımet berıldı. Arşaly audanynda respublikalyq maŋyzy bar Aqmola industriialyq aimaǧy qūryldy. Jalpy qūny 4 milliard dollardan asatyn investisiialyq portfel jasaqtaldy. Osy arqyly 10 myŋǧa juyq jūmys orny aşylady.
Memleket basşysyna äleumettık infraqūrylymdar qūrylysynyŋ barysy tanystyryldy. Soŋǧy ekı jyl ışınde 4,7 myŋ tūrǧyn baspanaly boldy. Būl aldyŋǧy jetı jyldyŋ körsetkışıne teŋ. Osylaişa, kezekte tūrǧan halyqtyŋ äleumettık osal toby 29 paiyzǧa azaidy. Qosşy qalasynda üleskerlerdıŋ mäselesı oŋ şeşılıp jatyr.
Bılım beru salasynda ekı jyl ışınde 21 myŋ oquşyǧa arnalǧan 33 nysan boi köterdı. Jaŋa oqu jyly qarsaŋynda öŋırde apatty jaǧdaidaǧy jäne üş auysymdy mektepter mäselesı tolyq şeşıldı.
Jylytu mausymyna daiyndyq josparǧa sai jürgızılıp jatyr. Kökşetauda elektr quaty 240 Mvt, al jylu quaty 520 Gkal/saǧat bolatyn jylu elektr ortalyǧy salyna bastady. Su tazartu nysandarynyŋ qūrylysy aiaqtaluǧa jaqyn. Sonyŋ nätijesınde oblys ortalyǧynda tūratyn 200 myŋ tūrǧyn sapaly auyz sumen qamtylady. Jyl soŋyna deiın 9 eldı mekenge gaz qūbyry tartylady.
Kezdesu soŋynda Prezident renovasiia baǧdarlamasy arqyly halyqtyŋ äleumettık osal tobyn baspanamen qamtudaǧy oblystyŋ oŋ täjıribesın atap öttı. Memleket basşysy egın jinau nauqanyn ūiymdastyru, Qosşy qalasynyŋ damuy boiynşa tiıstı şaralardy qabyldau, su tasqynyna qarsy jüielı jūmys jürgızu, sondai-aq investisiia tartu jönınde naqty tapsyrma berdı.
