ŪBT-dan ūtqan ūlandar. 140 ball – jeke jetıstıktıŋ basy

327
Adyrna.kz Telegram
https://www.adyrna.kz/storage/uploads/I8mIDmYlj9cWiaUmmeFzEjjmcmG1uksdpvqLgeCZ.webp

Biyl elımızde 12 tülek ŪBT-dan 140 ball jinady. Bır qyzyǧy, sol 12 rekordsmennıŋ 8-ı MNU-dy, iaǧni M.Närıkbaev universitetın taŋdaǧan. Qazır bärı halyqaralyq qatynastar mamandyǧynda oqyp jür. Bız sol 8 studentten 140 ball aludyŋ qūpiiasy nede ekenın sūrap bıldık.

«11 SYNYPTY EREKŞE JETISTIKPEN AIаQTAǦYM KELDI»

Tarazdyq Nūrǧanat Qanat üşın ŪBT alǧaşqy bılım dodasy emes. «Bılım-İnnovasiia» lisei-internatynda oqyǧan ol 7 synyptan bastap türlı pändık jäne şyǧarmaşylyq olimpiadalarǧa qatysyp, jeŋıs men jeŋılıstı qatar körgen. Bılım bäsekelerınde bırşama täjıribesı bar Nūrǧanat 11-synypty erekşe jetıstıktpen aiaqtaǧysy kelıptı. Tıptı sol üşın strategiialyq jospar qūrǧan. Dälırek aitqanda, naǧyz ŪBT-ǧa deiıngı alǧaşqy 4 synaqta 135-ten joǧary aludy josparlaǧan. Osylai bırte-bırte 140 baldyŋ biıgın baǧyndyrudy oilapty.

Fotoda Nūrǧanat Qanat

 «Däl osylai maqsat qoiuyma öz potensialyma degen senım, taŋdau pänderım boiynşa būrynnan qalyptasqan bılım jäne jaqyndarymnyŋ qoldauy äser ettı dep oilaimyn», - dep eske aldy ol.

Nūrǧanattyŋ erekşelıgı joǧary nätijege ūmtyluynda ǧana emes. Ol ŪBT-men qatar «HHI ǧasyr köşbasşysy» intellektualdyq saiysyna, oblystyq jäne respublikalyq olimpiadalarǧa daiyndalǧan. Aita keteiık, biyl Nūrǧanat Qanat «HHI ǧasyr köşbasşysy» dodasynda bırınşı oryn ielenıp, top jardy. Bır qaraǧanda bärın qatar alyp jüru jüktemenı köbeitetındei körınedı. Al Nūrǧanat üşın bır baǧyttan ekınşısıne auysu tynyǧudyŋ özındık täsılıne ainalǧan. Osylaişa är saiysqa degen qyzyǧuşylyǧy bırın-bırı tolyqtyryp, daiyndyq qarqynyn saqtauǧa sebep boldy.

«ŪBT tapsyrmalarynan şarşaǧanda ekınşı salaǧa fokus qoiyp, zerıgudıŋ aldyn aldym dep oilaimyn. Bır dünienı qaitalai beru de adamdy jalyqtyruy mümkın», - dep tüsındırdı Nūrǧanat.

Joǧary nätijenıŋ artynda tek qyzyǧuşylyq tūrǧan joq. Nūrǧanat aldymen bır aiǧa, keiın aptaǧa, soŋynda är künge bölıp jospar qūrǧan. Ol uaqytty tiımdı paidalanu üşın äleumettık jelılerge de şekteu qoiǧanyn aitty.

«Äleumettık jelıler uaqytym men energiiamdy alyp, kıtap oquǧa küş qaldyrmaityn. Sondyqtan men TikTok, Instagram syndy qosymşalardaǧy belsendılıgımdı şektep, kündelıktı qoldanu uaqytyna asa qatal qaraitynmyn», - dedı ol.

Nūrǧanat sabaq kezınde telefondy basqa bölmege qaldyryp, 25 minut oqyp, 5 minut üzılıs jasaityn. Būl – Pomodoro degen ädıs. Bolaşaq tülekterge de Nūrǧanat osy täsıldı qoldanudy ūsynady. Degenmen köpşılık tiımdı sanaityn ädısterdıŋ barlyǧy bırdei oǧan säikes kelmegen. Mysaly, ol konspekt jazuǧa köp uaqyt ketetının baiqap, daiyn materialdy oqyp, bırden test tapsyrǧandy jön körıptı. Nūrǧanat daiyndyq kezeŋıne qaita oralsa, oqu men tynyǧudyŋ tepe-teŋdıgın saqtauǧa köbırek köŋıl böletının aitty.

«Oquşyǧa şamadan tys küş tüsken kezde ol emosionaldy türde şarşaidy, būl onyŋ ülgerımıne de kerı äserın tigızuı mümkın. Soǧan jol bermeu üşın oqu men jeke ömırdı qatar alyp jürudı basty orynǧa qoiar edım. ŪBT-ǧa daiyndyqty bastamas būryn men sportpen şūǧyldanatymyn, keiın hobbiymnan uaqytşa bas tartuǧa tura keldı», - deidı.

Fotoda Nūrǧanat Qanatty marapattau sätı

 Nūrǧanat daiyndalǧan bılım beru ortalyǧy oǧan joǧary nätije körsetkenı üşın päter, kölık nemese 50 mln teŋge kölemınde syiaqynyŋ bırın taŋdaudy ūsyndy. Sonymen qatar Nūrǧanat Qanattyŋ ata-anasyna syi retınde 3 million teŋge tabystaǧan.

Fotoda Nūrǧanat Qanattyŋ päter kıltın alǧan sätı

«140 BALǦA JETKIZGEN TEMIRDEI TÄRTIP»

Jandos Nūrbaev ŪBT-ǧa 10-synyptyŋ jeltoqsanynda kırısse de, 3 aidan keiın şydamsyzdyq tanytyp, daiyndyqty toqtatqan. Tek tamyz aiynda özın qaita qolǧa alypty.

Fotoda Jandos Nūrbaev

Ol qaŋtardaǧy ŪBT-ǧa üzdıksız daiyndalyp, 135 ball jinaǧan. Būl körsetkıştıŋ özı joǧary sanalsa da, Jandostyŋ köŋılın könşıtpeptı. Onyŋ armany – 140 ball edı.

«Qatemen jūmys ıstei otyryp, kelesı ŪBT-dan 138 ball aldym. Ökınışke qarai, ol kezde oqu sauattylyǧy pänınen özımnıŋ mūqiiatsyzdyǧymnan qate kettı», - deidı Jandos.

Osydan keiın ol kün saiyn daiyndyqqa kemınde 8-10 saǧat bölgen. Jandos negızgı ŪBT aldynda jaŋa material meŋgerıp qana qoimai, būrynǧy qatelerın qaitalamauǧa tyrysqanyn aitady.

«Naǧyz ŪBT-ǧa kelgende daiyndyǧymdy küşeittım, sebebı būl menıŋ ekı jyldyq eŋbegımnıŋ aqtalatyn kezı edı. Aita keteiın, mamyr aiynda oquşylardyŋ bıraz bölıgı psihologiialyq qysym sezuı mümkın, öitkenı būl mekteptegı 11 jyldyŋ soŋǧy aiy. Men köptegen otyrys pen jiyndardan bas tartyp, uaqytymdy tiımdı jūmsadym. Osy qarqynnyŋ arqasynda mamyr aiynyŋ soŋynda 140-tan 140 aldym», - deidı.

Bır qyzyǧy, Jandos 140 ball alǧan sätte bırden quanbaǧan. Onyŋ aituynşa, bastapqyda ekı jylǧa sozylǧan daiyndyqtyŋ aiaqtalǧanyna senudıŋ özı qiyn bolǧan.

«Ekı jyl boiy üzbei daiyndalǧannan keiın, ömırımnıŋ būl bölıgı aiaqtalǧanyna sene almadym. Öz maqsatyma jetkenımdı bır-ekı aptadan keiın ǧana tüsınıp, qabyldai bastadym», - dedı Jandos.

Onyŋ eŋbegı baǧaly syilyqpen marapattaldy. 140 ball jinaǧannan keiın daiyndyq kursy oǧan Astanadan ekı bölmelı päter syilaǧan. Degenmen Jandos öz jetıstıgınıŋ basty sebebın materialdyq yntalandyrudan ızdemeidı.

«Eşqandai qūpiia ädıs joq. Eŋ bastysy – tūraqty eŋbek, temır tärtıp pen aiqyn maqsat»,- dedı ol.

Jandos talapkerlerge är pänge jetkılıktı köŋıl böludı ūsynady. Onyŋ aituynşa, bır pändı jaqsy meŋgeremın dep basqalaryn nazardan tys qaldyru – emtihan nätijesıne kerı äser etuı mümkın.

«Joǧary ball jinaǧysy keletın tülekterge aitarym: bırınşıden, josparmen jūmys jasau arqyly uaqytty ünemdeu kerek. Ekınşıden, bolmaityn ısterge ekı-üş saǧat ketırudı qoiu qajet. Üşınşıden, är pänge uaqyt arnap, balansty saqtau kerek», - deidı Jandos.

 «JATTAUDAN BŪRYN TÜSINIP, ESTE SAQTAU KEREK»

Pavlodar qalasyndaǧy jalpy orta bılım beretın mekteptıŋ tülegı Ältaiyr Äset ŪBT-ǧa daiyndyqty 11 synyptyŋ qyrküiegınde bastaǧan. Geografiia jäne matematika baǧyty boiynşa test tapsyryp, 140 ball jinaǧan oquşynyŋ aqparatty este saqtauda öz täsılı bar.

Fotoda Ältaiyr Äset

Ältaiyr kölemdı konspekt jazudyŋ ornyna oqulyqtaǧy maŋyzdy aqparatty belgılep, stikerge jazady. Onyŋ aituynşa, taqyrypty qaitalaǧan kezde būl stikerlerdıŋ paidasy köp. Keide bır-ekı saǧat ötken soŋ esınde qalǧan mälımettı qaǧazǧa tüsıredı. Keiın jazǧanyn kıtaptaǧy aqparatpen salystyryp, qandai tūstardy ūmytqanyn anyqtaidy.

Sonymen qatar Ältaiyr kündız oqyǧan materialyn keşke öz sözımen mazmūndaudy ädetke ainaldyrǧan.

«Atap ötken täsılderdıŋ bärı oquşyǧa naqty qai taqyrypqa zeiın salu kerek ekenın anyq körsetedı. Daiyndyq kezınde materialdy oqyp qana qoiu azdyq etedı, sol üşın ötken taqyryptardy qaitalap, özıŋdı tızgındep otyru qajet», - deidı.

Ältaiyr Äset qatarlastary sekıldı daiyndyq kursyna qatysqanymen, ortalyqtyŋ tapsyrmalarymen şektelıp qoimaǧan. Onyŋ nätijesı bırtındep ösıp, qaŋtarda 120, nauryzda 131, al alǧaşqy negızgı ŪBT-da 140 balǧa jettı.

Onyŋ aituynşa, daiyndyq barysynda ata-ana men bala arasyndaǧy qarym-qatynasqa da män beru kerek.

«ŪBT kezınde ata-atam menıŋ erteŋım jaily säl uaiymdaǧany bolmasa, qatty qysym jasaǧan joq. Şeşımdı özım qabyldap, mamandyǧym men daiyndyq ortalyǧyn özım taŋdadym. Osy kezekte aitatynym, bala öz betımen daiyndalyp, jauapkerşılık alatyn bolsa, oǧan tiıspegen dūrys. ŪBT-ǧa zeiın salǧan balalar öz maqsatyn aiqyn bıledı jäne osy jolda tynbai eŋbek etuge daiyn», - deidı.

 Ältaiyr Äset te 140 ball jinaǧannan keiın päter iesı atandy. Onyŋ aituynşa, öz päterıne oralǧan saiyn eŋbegı aqtalǧanyn tüsınıp, köŋılın quanyş kerneidı eken.

«DOSYMMEN JARYSYP, 140 BALL JİNADYM»

Kelesı rekordsmen türkıstandyq Jasūr Nyşanbaev synyptasymen sabaqty jarysyp oqyǧan. Eŋ qyzyǧy, Jasūr da, onyŋ synyptasy Aisūltan da 140 ball iegerı atandy. Ekı dos jataqhanada bırge tūryp, düniejüzı tarihy men aǧylşyn tılı pänderıne qatar daiyndalǧan.

Fotoda Jasūr Nyşanbaev

«Jataqhanada oqudan basqa eşteŋe alaŋdatpady. Bız bır jyl boiy jarysyp oqydyq. Aisūltan öz-özıne senımdı boldy, al men soŋyna deiın uaiymdadym», - deidı Jasūr.

 Jasūrdyŋ uaiymy 140 ball jinaǧan kezde ǧana seiılgen. Onyŋ täjıribesı daiyndyqtaǧy bäsekenıŋ taǧy bır qyryn aşady. Jarys ärdaiym bıreudı basyp ozu üşın ǧana qajet emes. Keide qasyŋdaǧy adamnyŋ eŋbegı özıŋe de qosymşa ynta beredı.

DAIYNDYQQA ÖZI AQŞA TAUYP, 2 RET 140 BALL JİNAǦAN ERASYL

Fotoda Erasyl Sailauov

Abai oblysyndaǧy Boroduliha auyly mektebınıŋ tülegı Erasyl Sailauov basynda ŪBT-dan joǧary ball jinaitynyna mülde senbegen. Keiın ol testıleuden ekı ret 140 ūpai jinap, boiyndaǧy kümändı seiılttı.

«Bastapqyda auyl mektebınıŋ oquşysy 140 ball jinai almaidy degen oidyŋ arbauynda jürdım. Degenmen är synaq testınen keiın eŋbegımnıŋ jemısın körıp, özıme degen senımım arta tüstı», - deidı.

Erasyl ŪBT-ǧa daiyndaluǧa kurs satyp alu üşın qarajatty özı tapqan.  Jazǧy kanikulda «Jasyl el» baǧdarlamasyna qatysyp, aqşa jinapty.

«Ata-anam daiyndyǧyma şamamen 150 myŋ teŋge berdı. Al qalǧan şyǧyndy özım ötegım keldı. Sol üşın jazda jūmys ızdeuge kırıstım», - dep eske aldy student.

Alaida, ol joǧary ball jinau üşın mındettı türde aqyly kursqa qatysu qajet degen pıkırmen kelıspeidı. Onyŋ oiynşa, öz betınşe daiyndalǧan oquşylar da jaqsy nätije körsete alady.

Erasyl üşın daiyndyq kezınde eŋ kürdelı pän Qazaqstan tarihy bolypty. Sondyqtan ol taqyryptardy öz betınşe zerttep, materialdy bırneşe ret qaitalap otyrǧan. Erasyl aqparatty este saqtauda intervaldy qaitalau ädısın qoldanǧanyn aitady. Mäselen, bügın ötken taqyrybyn kelesı künı, üş künnen keiın jäne belgılı bır uaqyt ötken soŋ qaita qarap otyrǧan. Al daiyndyq kezınde konspekt jazu Erasyldyŋ da uaqytyn alypty.

«ŪBT-ǧa daiyndalyp jürgen oquşylarǧa konspekt jazuǧa 3-4 saǧat uaqyt jūmasamai, būl arada basqa maŋyzdy taqyryptarǧa zeiın salu kerek ekenın jetkızgım keledı», - deidı Erasyl.

139 ball jinaǧan kezde ol syilyqqa MacBook alsa, ekı ret 140 ball iegerı atanǧany üşın 2 million teŋge qanjyǧalaǧan. Sonymen qatar daiyndyq kursy Erasylǧa şetelge joldama tartu ettı. Bır qyzyǧy, ol aqşalai syilyqtyŋ 80 paiyzyn ata-anasyna berıp, qalǧan bölıgıne özıne jaŋa smartfon satyp alǧan. Qazır Erasyl MNU jataqhanasynda tūrady.

«BILIMMEN QOSA PSİHOLOGİIаLYQ KÜI DE MAŊYZDY»

Fotoda Nazerke Särsenbai

Jambyl oblysy Qūlan auylynyŋ tumasy Nazerke Särsenbai ŪBT-ǧa daiyndyq kezınde taŋǧy beste tūryp, chek-list toltyryp, psihologpen jūmys ısteudı ädetke ainaldyrǧan. Nazerke naqty 140 ball jinaudy maqsat etpese de, ŪBT-dan joǧary nätije körsete alatynyn sezgenın aitady.

«Ömırımde bolyp jatqan keibır oqiǧalar maǧan 140 ball jinaitynymdy aldyn ala sezdırgendei boldy. Mysaly, SAT emtihanynan 1450 ball alǧan kezde äpkem menı qūttyqtap, «140 ball alǧanyŋmen!» degen edı. Sol sözı älı künge deiın esımde», - deidı.

Bastapqyda Nazerke tapsyrmalardy oryndauǧa qanşa uaqyt böletının paraqqa jazyp, künın josparlap otyrǧan. IELTS-qa künıne bır jarym saǧat arnasa, SAT, NUET jäne ŪBT-ǧa äzırlık kezınde künıne 17 saǧat boiy daiyndalǧanyn aitady. Keiın atalmyş jüktemenıŋ densaulyǧyna ziian keltıruı mümkın ekenın tüsıngen Nazerke psihologtyŋ kömegıne jügınudı jön körgen.

«Būl jolda psihologpen jūmys ısteudıŋ maŋyzy zor boldy. Ol maǧan qoldau körsetıp, baǧyt-baǧdar berıp, boiymdaǧy senımdılıktı arttyruǧa kömektestı. Daiyndyq barysynda tek bılımdı tolyqtyru ǧana emes, psihologiialyq tūrǧydan da daiyn bolu maŋyzdy ekenın tüsındım», - deidı student.

 Psihologpen jūmystanǧan oquşy kün saiyn «Maǧan sabaq oqyǧan ūnaidy» dep aityp, özın yntalandyryp otyrǧan.

«Uaqyt öte kele oquǧa degen közqarasym da özgerıp, daiyndalu jeŋıldei tüstı», - deidı Nazerke.

Nazerke üşın oqudaǧy eŋ tiımdı ädıs – qaitalap oqu. Ol düniejüzı tarihynyŋ barlyq kezeŋderın qamtityn kıtapty 5-6 ret oqyp şyqqan.

«Qiyn taqyryptardy da qaita-qaita oqyp, tolyq meŋgeruge tyrystym. Konspekt jazu men üşın asa tiımdı bolmady, sondyqtan özıme qolaily ädıstı taŋdadym. Al bolaşaq talapkerlerge kün tärtıbın saqtauǧa jäne chek-list toltyruǧa qatysty keŋes berer edım. Özımde özgeler bılmeitın erekşe qūpiia ädıs bar dep aita almaimyn. Būl täsılderdıŋ köbın men de basqa adamdardan estıp, täjıribemde qoldanyp kördım, - dedı 140 ball iegerı.

Nazerke eŋbegınıŋ jemısı retınde bır million teŋge ielenıp, şetelge joldama alǧan.

«ARMANDAǦANDA BÄRIN ELESTETU KEREK»

Fotoda Käusar Altynsary

Qyzylordalyq Käusar Altynsary ŪBT-ǧa daiyndyq kezınde aldyna erekşe maqsat qoiǧan. Ol joǧary nätijesınıŋ arqasynda päter ielenudı armandap, bolaşaq üiındegı ärlenu üstelıne deiın köz aldyna elestetkenın aitady. Iаǧni egjei-tegjeilı vizualizasiia jasaǧan.

Käusar Altynsarynyŋ egızı Gauhar da ŪBT-dan 139 ball jinap, bılım bäigesınde top jardy. Bügınde ekeuı de Maqsūt Närıkbaev universitetınde oqidy.

Käusar künıne 7-8 saǧat oqyp, Pomodoro ädısın paidalanǧan. Ol özınıŋ bolaşaq päterın, ärlenu üstelıne deiın naqty armandasa da, tek būl ädıske senıp, daiyndyqty ekınşı orynǧa ysyryp qoiuǧa bolmaitynyn aitady.

«ŪBT kezınde sättılıktıŋ de rölı boluy mümkın. Degenmen jūldyzym oŋynan tusa eken dep qol qusyryp otyruǧa da bolmaidy. Eŋ bastysy – tärtıp pen tūraqty daiyndyq. Bır ıstı kün saiyn qaitalasaŋ, ol bırtındep ädetke ainalady. Menıŋ oiymşa, joǧary ball jinau üşın tek köp oqyp qana qoimai, daiyndyqty jüielı türde jalǧastyru kerek», - deidı ol. 

Käusardyŋ joǧary nätijege jetuıne otbasynyŋ qoldauy da äser etken.

«Ata-anamnyŋ qoldauyn erekşe atap ötkım keledı. Olar maqsatqa jetemın dep özımdı şamadan tys qinamau kerektıgın aitatyn. Sabaq oqyp otyryp, tüskı ne keşkı as ışuge ülgermei qalatyn kezderım boldy. Sondaida äkem janyma jemıs-jidek turap äkelıp, basqa da qajet närselerımdı daiyndap beretın. Jaqyndaryŋnyŋ qoldauy öte maŋyzdy ekenıne közım jettı», - deidı student.

ARMANDAR KARTASYNDAǦY 140 BALL

Fotoda Iŋkär Qydyrbek

Al Iŋkär Qydyrbek üşın 140 ball tek emtihan nätijesı emes, aldyn ala köz aldyna elestetken maqsattarynyŋ bırı bolǧan. Ol 10-synypta aǧylşyn tılın tereŋdetıp oqyp, IELTS emtihanynan 8.0 ball alǧan. Al ŪBT-ǧa tolyqqandy daiyndyqty 11-synypta bastapty. Taŋdau pänderı – aǧylşyn tılı men düniejüzı tarihy.

Iŋkär qaŋtar jäne nauryz ailaryndaǧy synaq ŪBT-lardan joǧary ball jinaǧan.

«135, 139 ball jinai alsam da, «endı daiyndalmai-aq qoisam bolady» degen erınşektık bolmady. Maqsatyma jetu üşın 1-aq ball qaldy. Men mūny soŋyna deiın aparuym kerek, eŋbegımnıŋ aqtalǧanyn qalaimyn degen oilar ǧana boiymdy biledı», – deidı ol.  

Iŋkär daiyndyq kezınde äleumettık jelılerdı öşırıp tastaǧan.

«Öitkenı ol menıŋ bar nazarymdy alyp qoiyp jürdı. Al olardy öşırıp tastaǧanda, tek sabaqqa fokus qoidym. Bır jol boiy TikTok, Instagram, tıptı Shorts körıp qoiam ba dep alaŋdap, YouTube-ty da öşırıp tastadym. Sondai-aq qydyrulardan da bas tarttym. Būl şekteuler maǧan qatty kömektestı», - dedı Iŋkär.

Iŋkärdıŋ daiyndyqtaǧy taǧy bır erekşelıgı – tarih pänderıne degen qyzyǧuşylyǧy. Köptegen oquşy Qazaqstan jäne düniejüzı tarihyndaǧy datalardy jattaudan qinalsa, Iŋkär būl pänderdı süiıp oqyǧan. Keide düniejüzı tarihyna künıne 10 saǧatqa deiın uaqyt bölıp, bır künde tūtas kıtapty oqyp aiaqtaǧan kezderı bolǧan eken.

Ol arnaiy armandar kartasyn jasap, bükıl qalauyn sonda jazyp qoiypty.

«Menıŋ armandar kartamda päter, 140/140, şet elge joldama bolǧan. Endı qarap otyrsam, onyŋ bärı oryndalypty», - deidı Iŋkär.

Sondai-aq osyndai nätije üşın daiyndyq kursy tarapynan rekordsmennıŋ ata-anasyna 3 mln teŋge syilyq jäne özıne päterden bölek, 4 jyl boiy aiyna 140 myŋ teŋge şäkırtaqy berılıp otyrady.

Iŋkärdıŋ bolaşaq talapkerlerge aitar keŋesı qysqa: özıŋe senu. Onyŋ pıkırınşe, keide oquşy dūrys jauapty bılse de, senımsızdıktıŋ saldarynan qatelesuı mümkın. Sondyqtan bılımdı tolyqtyrumen qatar öz şeşımıŋe senudı de üirenu qajet.

140 BALL ALUDYŊ ORTAQ FORMULASY BAR MA?

Biylǧy rekordsmenderdıŋ üşten ekısınıŋ M. Närıkbaev universitetın taŋdauyna ne sebep boldy? Mūny bız MNU provosty Anar Bauyrjanqyzynan sūrap bıldık. Onyŋ pıkırınşe, talapkerler üşın oqu ornynyŋ halyqaralyq akkreditteluı men tülekterdıŋ jūmysqa ornalasu körsetkışterı maŋyzdy.

Fotoda MNU provosty Anar Bauyrjanqyzy

«Būl kezdeisoq taŋdau emes. Talapkerler men olardyŋ ata-analary universitetterdı jan-jaqty zertteidı. Mäselen, ötken jyly «Atameken» reitingınde bızdıŋ qūqyq, halyqaralyq qūqyq jäne şetel filologiiasy baǧdarlamalarymyz bırınşı oryn aldy», - deidı provost.

140 ball alǧan 8 studenttıŋ barlyǧy derlık Halyqaralyq qatynastar mamandyǧynda oqidy. Anar Bauyrjanqyzy būl baǧdarlamanyŋ tartymdylyǧyn universitettıŋ halyqaralyq mümkındıkterımen bailanystardy.

«Studentter halyqaralyq kompaniialarda, Syrtqy ıster ministrlıgınde täjıribeden ötıp, elşılıkterde jūmys ıstei alady. Sonymen qatar ekınşı şet tılın meŋgeru mındettı, al sabaqtardy täjıribelı mamandar jürgızedı. Menıŋ oiymşa, talapkerlerdı osyndai mümkındıkter qyzyqtyrady, - deidı ol.

Bır nätije, segız türlı jol. ŪBT-dan 140 ball jinaǧan tülekterdıŋ ärqaisysy biık mejege özındık täsılmen jettı. Bırı qataŋ josparǧa süiense, endı bırı üzdıksız qaitalau men temırdei tärtıpke süiengen. Al endı bırı psihologiialyq küiımen jūmys jasaǧan. Olardyŋ daiyndyq ädısterı ärtürlı bolǧanymen, barlyǧyna tän ortaq qasiet – tabandylyq pen tūraqty eŋbek.

8 tülektıŋ täjıribesı joǧary ball jinaudyŋ ämbebap formulasy joq ekenın körsetedı. Nätijege jetude jeke ızdenıspen qatar otbasynyŋ qoldauy men damuşy oqu ortasy da maŋyzdy röl atqarǧan.

Dariia Ǧūmarova

Janerke Doskeldı

 

Pıkırler