Qazaqstanda Ūlttyq bılım beru derekter bazasy jaŋǧyrtylyp, onyŋ negızınde Ūlttyq bılım beru platformasy qūrylyp jatyr. Būl turaly Ükımettıŋ baspasöz qyzmetı habarlady, dep jazady "Adyrna".
«Jaŋartylǧan jüie 1-synypqa qabyldauǧa ötınış berudı onlain formatqa köşıruge mümkındık berdı. Bügınde 490 myŋnan astam ötınış tüstı. Tehnikalyq, käsıptık jäne orta bılımnen keiıngı bılım beru ūiymdaryna qabyldau da tolyq avtomattandyryldy. Kolledjderge 220 myŋnan astam talapker oquǧa qabyldandy», – delıngen senbı küngı habarlamada.
Premer-ministrdıŋ bırınşı orynbasary Nūrlybek Nälıbaev Ūlttyq bılım beru derekter bazasyn jaŋǧyrtu mäselelerı boiynşa keŋes ötkızdı.
Jiynda Oqu-aǧartu ministrı men «Qazaqtelekom» AQ basqarma töraǧasynyŋ jüienı jaŋǧyrtu jäne onyŋ negızınde Ūlttyq bılım beru platformasyn qūru barysy turaly esepterı tyŋdaldy.
Al Şymkent qalasy, Türkıstan, Aqtöbe jäne Almaty oblystary äkımderınıŋ orynbasarlary öŋırlerdegı bılım beru ūiymdaryn sifrlandyru jūmystary turaly baiandady.
Nūrlybek Nälıbaevtyŋ aituynşa, Ūlttyq bılım beru platformasyn engızu halyqqa bılım beru salasyndaǧy memlekettık qyzmetterdı avtomattandyruǧa jäne biudjet şyǧyndaryn qysqartuǧa mümkındık beredı. Ünemdelgen qarajat bılım beru jüiesınıŋ özge de qajettılıkterıne baǧyttalmaq.
