Qurban aıttyń alǵashqy kúni "Qyzyl aı" qoǵamy Qazaqstanda 50 bas iri qarany qurbandyqqa shaldy. Shymkent te 25, Almaty da 25 iri qara. Almatyǵa ákelingen 25 iri qara, et kombınatynda qasapshylar iriktep bólisimen, birinshi "Jan uıa" balalar úıine aparyldy. Balalar úıiniń basshysy Lázzat Áskerǵalıqyzy qonaqtardy búgingi merekege arnaıy jaıylǵan dastarhanda kútip aldy. Jartylaı jetim balalar, jartylaı múgedek balalar tárbıelenip jatqan "Jan uıa" balalaryn qýantýǵa Túrkııanyń Qazaqstandaǵy Bas Konsýly Ryza Qaǵan Iylmazdyń ózi qatysyp, arnaıy qurban aıt merekesimen qutyqtap qaıtty.
"Barsha Qazaqstandyqtardy búgingi qurban aıt merekesimen qutyqtaımyz, "Januıa" balalar úıine Konsýldyq qyzmetkerleri birinshi kelýimiz emes, budan buryn da biz jumys istep kele jatyrmyz. Ázirge balalar úıine qatysty bir joba qolymyzda, qarjy qarastyryp jatyrmyz. Túrkııa elinen kelip otyrǵan "Qyzyl Aı" qoǵamy jylda muqtaj otbasylar men balalar úıin nazardan tys qaldyrǵan emes. Almaty qalasynda da birneshe meshit balalar úıine taratqaly otyr" -, dedi Bas Konsýl Ryza Qaǵan Iylmaz myrza.
Arnaıy Túrkııa elinen kelgen "Qyzyl Aı" qoǵamy músheleri Shengız Iaardabekshı myrza men Fatıma Merıch Iylmaz hanym meshitten ózge Uzynaǵash, Aqjar, t/b aýyl aýyldardaǵy muqtaj jandardyń úılerine baryp, etten ózge de kishigirim syılyqtaryn tartý etip, otbasylardy búgingi merekemen qutyqtap qaıtty.
" Qyzyl Aı" qoǵamy jalpy alǵanda 40 jýyq memlekette qurbandyq shalyp jatyr, jylda osy dástúrdi qaıtalaımyz. Ishinde musylman emes memleketter de bar. Muqtajdyq pen qaıyrymdylyq din tańdamaıdy ǵoı, qurban aıttan basqa ýaqytta da qaıyrymdylyq sharalaryn ótkizip turamyz" -deıdi Shengız Iaardabekshı myrza.
Árıne "Qyzyl Aı" qoǵamynyń sanaýly adamdary az ýaqytta osynsha iri qarany baýyzdap, taratyp úlgere almasy anyq, bul rette Ahmet Zekaı basshylyq etip otyrǵan "Qoja Ahmet Iasaýı" atyndaǵy bilim uıymy men erikti jastar toby qatysyp qaırymdylyq sharaǵa óz úlesterin qosty.
Aıda Qojmambetova
