Sailaualdy uädelerdıŋ oryndalu barysyn jüielı baqylap otyru üşın «AMANAT» partiiasy el aumaǧynda 400-den astam partiialyq baqylau beketın aşady. Eŋ aldymen, problemalyq, äleumettık nysandar baqylauǧa alynady.
«Tamyz aiynyŋ soŋyna deiın elımızdıŋ barlyq öŋırınde 400-den astam beket aşu josparlanyp otyr. Bügınde mūndai beketter 114 bılım beru nysanynda aşyldy. Onyŋ kömegımen qūrylys sapasyn, bölıngen qarajattyŋ tiımdı igerıluın, qauıpsızdık erejelerınıŋ saqtaluyn, jūmysşylardyŋ äleumettık jaǧdaiyn, sondai-aq jalaqynyŋ uaqtyly berıluın baqylauǧa bolady. Osylaişa, jergılıktı jerlerde partiia sailaualdy baǧdarlamasynyŋ oryndalu barysyna jüielı baqylau küşeiedı. Memleket basşysy Qasym-Jomart Toqaev partiianyŋ kezekten tys HHII Sezınde atap ötkendei, eŋ aldymen elektoraldy kezeŋde aitylǧan uädelerdı oryndau qajet», – dep atap öttı «AMANAT» partiiasynyŋ Hatşysy Jıger Qaliev.
Aita ketu kerek, ärbır nysanda tehnikalyq pasportqa ūqsas şaǧym nemese ötınış jıberuge bolatyn jauapty tūlǧanyŋ bailanys nömırlerı bar taqtaişa ornatylady. Jūrtşylyqty köptep tartu jäne partiialyq baqylau beketterı jūmysynyŋ aşyqtyǧyn qamtamasyz etu maqsatynda onyŋ qūramyna mäslihat deputattary, ükımettık emes ūiymdardyŋ ökılderı, BAQ ökılderı, blogerler, «AMANAT» partiiasy bastauyş partiia ūiymdarynyŋ töraǧalary men belsendı müşelerı kırdı.
Osy aptada Aqtöbede partiialyqtar baqylau beketın aşyp, Eset batyr audanynda jürıp jatqanmektep qūrylysynyŋ barysyn tekserdı. Tūrǧyndar sany ūdaiy ösıp keledı. Tiısınşe, jaqyn maŋdaǧy mektepterde oryn sany jetıspeidı. Qūrylys 2017 jyly bastalǧanymen, älı aiaqtalǧan joq. Merdıgerler būǧan pandemiiany, daǧdarysty jäne qūrylys zattarynyŋ qymbattauyn kınälap otyr.
«Oqu jylynyŋ bastaluyna bır aiǧa jeter-jetpes uaqyt qaldy. Alaida 1 qyrküiekte oqu prosesı bastalady dep josparlanuda. Mektep ekı auysymda 1800 oquşy qabyldai alady. Sailaualdy baǧdarlama aiasyndaǧy basqa da nysandar tärızdı būny da erekşe baqylauǧa alamyz», – dedı Aqtöbe qalalyq partiialyq baqylau komissiiasynyŋ töraǧasy Talǧat Hamitov.
Qyzylorda qalasynda «Bäiterek» şaǧyn audanyndaǧy mektep qūrylysy kesteden bır jylǧa juyq uaqytqa artta qalyp keledı. Būǧan – qarjynyŋ uaqtyly bölınbeuı sebep bolyp otyr. Merdıgerler bılım beru mekemesın jyl soŋyna deiın paidalanuǧa beru josparlanǧanyn jetkızdı.
«Şaǧyn audanda 4,5 myŋnan astam adam tūrady. Bärınıŋ balalary bar. Olardy alysqa aparu yŋǧaisyz. Ekınşı toqsannan bastap balalardyŋ jaŋa mektepte bılım aluyna jaǧdai jasauǧa tyrysamyz», – dedı Qyzylorda qalalyq mäslihatynyŋ deputaty Jorabek Nūrymbetov.
Osy künı partiialyqtar Almaty qalasynyŋ Nauryzbai audanynda salynyp jatqan 1500 oryndyq mekteptıŋ qūrylys barysyn tekserdı. Merdıger ūiym qūrylys jūmystary qyrküiek aiynda aiaqtalady dep sendırdı. Nysannyŋ sapaly ärı uaqtyly tapsyryluy amanattyqtardyŋ baqylauynda bolady.
