Mäjılıstıŋ būrynǧy spikerı Nūrlan Nyǧmatulin men onyŋ egız ınısı Erlan reiderlık basyp alu qylmystyq ısı boiynşa tekserılıp jatyr, dep habarlaidy «Adyrna» tılşısı QazTAG-qa sılteme jasap.
«Astanadaǧy sybailas jemqorlyqqa qarsy qyzmettıŋ ortalyq apparaty Balqaş oqiǧasy jäne ekı ırı käsıpker – Quat Sūltanbekov pen Erlan Nyǧmatulin arasyndaǧy özara qarym-qatynasqa qatysty ıstı zertteude. Ol 2022 jyldyŋ säuırınde bastaldy. Osy ıs aiasynda Sūltanbekov jäbırlenuşı dep tanyldy. Demalys aimaǧyna bailanysty jäne özge de derekterdı aita almaimyn. Tergeu jürıp jatyr, jedel top qūryldy. Osy ıske Nyǧmatulinderdıŋ qanşalyqty qatysy bar ekendıgı zerttelıp jatyr», - dedı elordalyq advokattar alqasynyŋ advokaty Mäulen Älımbaev.2012 jyly Erlan Nyǧmatulinmen bolǧan janjaldan keiın balqaştyq käsıpker Quat Sūltanbekov 21 jylǧa bas bostandyǧynan aiyryldy. Onyŋ 10 jylyn ötedı. Qaraǧandy oblysy Käsıpkerler palatasynyŋ öŋırlık keŋesınıŋ müşesı Nikolai Abttyŋ aituynşa, käsıpker men Nyǧmatulin arasyndaǧy kikıljıŋ Sūltanbekovtyŋ 2011 jyly qaladaǧy jemqorlyq mäselesın belsendı türde köteruınen bastalǧan. Keiın Balqaş prokuraturasy qalany abattandyru boiynşa tenderler ötkızu kezındegı öreskel zaŋ būzuşylyqtardy anyqtady. Qaraǧandy oblysy boiynşa qarjy polisiia departamentı jürgızgen saraptamadan soŋ memlekettık tapsyrys negızınde respublika qarajatynyŋ şyǧyndalǧany anyqtaldy. 2012 jyldyŋ 27 qaŋtarynda Sūltanbekov Balqaştan elordaǧa barar jolda qarudy zaŋsyz saqtau jäne alyp jüru küdıgımen tekserılıp, ūstaldy. Tergeu alty künde aiaqtaldy jäne käsıpker 3,5 jylǧa bas bostandyǧynan aiyryldy. Keiınnen jazasyn öteu merızımı 21 jylǧa sozyldy. Öitkenı, qylmystyq-tüzetu mekemesınde Sūltanbekovke qatysty taǧy bes qylmystyq ıs qozǧaldy. 2022 jyly 10 jyl qamauda bolǧannan keiın käsıpkerge qatysty üş qylmystyq ıs qaita qaraldy, aqyry aqtalyp, bosatylǧan. Jäbırlenuşınıŋ advokaty Iýliia Djafarovanyŋ aituynşa, Sūltanbekovke qatysty barlyq ıs oidan şyǧarylǧan.
«Sūltanbekov ısı boiynşa jäbırlenuşı dep tanylǧan sottalǧandarǧa qylmystyq-atqaru jüiesınıŋ qyzmetkerlerı qasaqana dene jaraqatyn salǧan. Sosyn olarǧa qysym körsetıp, Sūltanbekovke qarsy aryz jazuǧa mäjbürlegen. (...) 2022 jylǧy 27 şıldede Şyǧys Qazaqstan oblysynyŋ sot alqasy Sūltanbekovke qatysty Öskemen qalasynda būrmalanǧan qylmystyq ıster boiynşa üş ükımnıŋ küşın joidy», - dedı advokat.Qorǧauşy tarap qalǧan üş ıs boiynşa Sūltanbekovtıŋ kınäsızdıgın däleldeuge ümıttenedı.
«Alty ıstıŋ de öz uchaskelerınde özındık erekşelıkterı bar jäne olardy bırden joiu mümkın emes, Sūltanbekovty oŋaltu boiynşa jūmys jalǧasuda. Üş qylmystyq ıs qaldy, onyŋ bırı 2012 jylǧy ıs», - dedı Mäulen Älımbaev.Älımbaev Nyǧmatulinderdıŋ Qazaqstandaǧy yqpaly saqtaldy ma degen sūraqqa da jauap berdı.
«Ony uaqyt körsetedı. Bıraq qalai bolǧanda da ıstıŋ basy köterıldı, öndırıs jürıp jatyr. Aǧaiyndylardyŋ zaŋsyz äreketterı turaly faktıler anyqtaldy», - dep tüiındedı ol.
