Miras Ermekūly atty azamat Qazaqstanda salafizm men uahabizmge zaŋdy türde tyiym saludy talap etıp, petisiia jariialady, dep habarlaidy “Adyrna” ūlttyq portaly.
“2020 jyldyŋ qaŋtarynda Aqtau jäne Jaŋaözen qalalarynda ŪQK qyzmetkerlerı aqşa alu üşın bırqatar ūrlaudy ūiymdastyrdy degen küdıkpen säläfizm destruktivtı dıni aǧymynyŋ jaqtastary tobyn ūstaǧany habarlanǧan. 2018 jyly Qazaqstan Respublikasynyŋ Ūlttyq qauıpsızdık komitetı Atyrau oblysynda salafitterdıŋ avtobus jürgızuşılerınen aqşa bopsalaǧanyn habarlady. Soŋǧy 20 jylda mūndai jaŋalyqtar öte köp, onyŋ barlyǧyn tızıp şyǧu mümkın emes.
2016 jylǧy 14 qazanda Ortalyq kommunikasiialar qyzmetınde ötken brifingte Dın ısterı jäne azamattyq qoǧam ministrı Nūrlan Ermekbaev salafizmdı ūstanuşylar özderınıŋ ideialary men qūndylyqtaryn ūlttyq salt-dästürımızden, mädeni jäne ruhani qūndylyqtarymyzdan joǧary qoiatynyn atap öttı. «Salafizm – ūiym emes, dıni aǧym jäne senım jüiesı. Būl ūstanymdy Qazaqstan mūsylmandary dıni basqarmasy tolyq qoldady.Uahabitterdıŋ maqsattary ūlttyq müddelerge müldem qaişy keledı jäne Qazaqstannyŋ täuelsızdıgıne qauıp töndıredı, dep habarlaidy Qazaqstan Respublikasynyŋ resmi BAQ.
Mysaly, 1999 jyly sodyrlar Daǧystannyŋ tauly aimaqtarynyŋ aumaǧyna şabuyl jasaǧannan keiın būl avtonomiianyŋ halyq jinalysy «Daǧystan Respublikasynyŋ aumaǧynda uahabizmge jäne basqa da ekstremistık äreketterge tyiym salu turaly» zaŋ qabyldady. Keiın osyndai zaŋdardy Özbekstan men Täjıkstan da qabyldady. Qaŋtar aiy mūny Qazaqstanda jüzege asyrudyŋ uaqyty jetkenın körsettı.
Būl petisiianyŋ maqsaty – Qazaqstan Respublikasyndaǧy qoǧamnyŋ qauıpsızdıgın jäne konstitusiialyq qūrylysty qamtamasyz etu, dıni arazdyqty qozdyrmau. İslam – beibıt dın. Bız, Qazaqstan Respublikasynyŋ azamattary, Qazaqstanda salafizm men vahhabizmge zaŋdy türde tyiym saludy talap etemız!”, delıngen petisiiada.
”Adyrna” ūlttyq portaly
