Talǧar tūrǧyndary jaŋadan salynyp jatqan 1200 oryndyq №25 qalalyq mekteptıŋ sapasyna narazy boldy. BI Group salǧan jaŋa ǧimaratqa 3 milliard teŋge ketken. Būl turaly jergılıktı Kris_p_talgar jelılık basylymy mälımdedı.
"Äkımdık būl jerge maqtanu üşın äkelmegen adamy joq. Bıregei, zamanaui 1200 oryndyq mektep dep aityp edı. Al qazır būl saraiǧa oquşylardy da jinai almai otyr. Segızınşı mekteptıŋ bastauyş synyp oquşylaryn mäjbürlı türde auystyru arqyly toltyryp jatyr. Al zaŋ boiynşa qai mektepke baratynyn ata-analardyŋ özı taŋdauǧa qūqyly", – deidı tūrǧyndar.Töbesınıŋ jūqa bolǧany sonşa, onyŋ üstınde jūmysşylar jürgennen keiın bärın basyp tastaǧan. Ylǧaldan töbesı ısınıp ketken, qabyrǧalarda jyraqtar bar, sport alaŋdary kır, iaǧni jauyn suy basyp ketıp otyrady.
"Eŋ bastysy üş milliard teŋgege salynǧan mekteptıŋ därethanasy dalada. Būl aqşaǧa bırneşe mekteptı keŋeitıp, audannyŋ barlyq mektepterın jöndeuge bolatyn edı! Talǧar jemqorlyqqa batyp kettı. Audan äkımdıgınıŋ jūmysy sätsız", – dep jazyldy basylymda.Almaty oblysy baspasöz qyzmetı jaǧdaiǧa qatysty Informburo.kz basylymyna tüsınıkteme bergen.
"Jaŋa mektep 1200 oquşyǧa eseptelgen. Är qabatta därethana bar, tıptı bırneşeu. Bastauyş synyptar üşın balalarǧa arnalǧan şaǧyn unitazdary bar jeke därethanalar salyndy", – dedı Almaty oblysy äkımınıŋ baspasöz qyzmetınıŋ jetekşısı Ǧalymūrat Jükel.Onyŋ aituynşa, jaqyndap kele jatqan oqu jylyna qarai jäne Qazaqstan prezidentınıŋ tapsyrmasy boiynşa Almaty oblysyndaǧy jaŋa jäne eskı mektepterdıŋ barlyǧyna äjethanalar ornatyldy. Köşede sportpen şūǧyldanatyn mektep oquşylary üşın syrttaǧy därethana öte yŋǧaily. Sondai-aq, audan ortalyǧyndaǧy sudy apatty jaǧdaida toqtatqanda syrttaǧy därethana da paidaly boluy mümkın.
”Adyrna” ūlttyq portaly
