Bul – respýblıka boıynsha biregeı, al Pavlodar oblysynda alǵash uıymdastyrylǵan «SHEKSIZ» atty zamanaýı óner festıvaline qatysqan jastardyń suraýy. Joba REP, bıt-boks, Hip-Hop, DJ-lik sııaqty birqatar óner túrlerin serik etken jastarǵa shyǵarmashylyǵyn damytýǵa múmkindik týdyryp qana qoımaı, salaǵa qatysty máselelerdi anyqtaýǵa da jol ashty.
Pavlodar oblystyq «Shańyraq» halyq shyǵarmashylyǵy ortalyǵynyń uıymdastyrýymen buryn-sońdy bolmaǵan «Sheksiz» atty zamanaýı óner festıvali uıymdastyryldy. Shara Aqsý qalasynda jergilikti ákimdiktiń qoldaýymen ótti. Uıymdastyrýshylardyń aıtýynsha, bul da tekten-tek emes. Aqsý – Qazaqstan tarıhynda alǵash Gremmı syılyǵyn jeńip alǵan, álemge áıgili Imanbektiń týyp, ósken mekeni.
«Jalpy «Ertis-Baıan óńiri – zamanaýı ónerdiń ortalyǵydesek, artyq aıtqandyq emes. Aımaǵymyzda álemge áıgili DJ Imanbek, Skrıptonıt, Trýver sııaqty óner ıeleri dúnıege kelgen. Sondyqtan bolsa kerek, jastar qaýymynyń bul baǵyttarǵa degen qyzyǵýshylyǵy zor. Tek, ókinishke qaraı, kóp jaǵdaıda nazardan tys qalyp qoıa beredi. Osy olqylyqtyń orynyn toltyrý maqsatynda «Sheksiz»festıvalin uıymdastyrýdy qolǵa aldyq. Sharaǵa 300-den astam qatysýshy tirkeldi», - deıdi oblystyq «Shańyraq» halyq shyǵarmashylyǵy ortalyǵy basshysynyń mindetin atqarýshy Zamıra Soltanova.
«Sheksiz» festıvaliniń basty maqsaty – óńirde ónerdiń zamanaýı baǵyttaryn damytý, jańa talanttardy anyqtaý, ónerdiń túrli janrynda shyǵarmashylyq jolyn jańadan bastaǵan jastardy qoldaý, aımaǵymyzdyń týmalary bolyp tabylatyn tanymal ártıster men jas býyn ónerpazdardyń arasynda baılanys ornatyp, tájirıbe almasýǵa múmkindik jasaý, zamanaýı ónerdiń búgingi kúngi áleýmettik problemalaryn sheshýdegi úlesin aıqyndaý.
Joba zamanaýı óner salasynyń etno-fıýjn, hıp-hop (rep óneri), DJ, zamanaýı bı, bıtboks, graffıtı, mobılografııa,skeıtbord sııaqty negızgi 8 baǵytty qamtydy.
Aqsý qalasynyń Memlekettik rámizder saıabaǵynda bir negizgi jáne janrlar boıynsha 5 shaǵyn sahna ornatylady. Is-shara baǵdarlamasyna joǵaryda atalǵan janrlar boıynsha kásibı mamandardyń sheberlik sabaqtary uıymdastyryldy. Sondaı-aq, «Zamanaýı ónerdiń qazirgi qoǵam máselelerine áseri» taqyrybynda «Oıtalqy» ótkizildi. Onyń barysynda jobaǵa qatysýshy shyǵarmashyl jastar Pavlodar oblysy ákiminiń orynbasary Aızada Qurmanova bastaǵan jaýapty memlekettik organdardyń basshylarymen júzdesip, zamanaýı ónerdi damytýdyń máselelerin talqyǵa saldy. Jıyn barysynda jas ónerpazdar salaǵa qatysty usynys, tilekterin aıtty. Sonyń ishinde, Pavlodar oblysynda zamanaýı óner mektebin ashyp, damytý máselesi sóz boldy.
Festıval qatysýshylary mundaı sharalardyń jastar shyǵarmashylyǵyn damytýda aýadaı qajet ekenin basa aıtty.
«Búgin biz úshin mereke. Oblysymyzda mundaı sharalar buryn sońdy bolmaǵan edi. Óz qazanymyzda ózimiz qaınap júretinbiz. Zamanaýı ónerdi serik etken jastarǵa shyǵarmashylyǵyn shyńdap, damytatyn alańdar joqtyń qasy. Sondyqtan mundaı festıvaldiń uıymdastyrylýy qýantady. Bul bastamasy dep oılaımyn», - deıdi jas reper Aman Toılan.
Festıval aýqymdy konertpen qorytyndylanady. Ondaár janr boıynsha úzdik tanylǵan joba qatysýshylary óner kórsetti. Festıval qonaqtary, ıaǵnı hedlaınerleri «Kanaı»jáne «Kalıfarnııa» boldy.
“Adyrna” ulttyq portaly
