Käsıpker Aqjol Talǧatūly äleumettık jelını şulatyp kompaniiadaǧy barlyq äielderdı jūmystan şyǧarǧanyn mälımdedı, dep habarlaidy “Adyrna” ūlttyq portaly.
«Coŋǧy künderı menıŋ oqyrmandarymdy taŋǧaldyrǧan eŋ ülken jaŋalyq – qyz balalardyŋ barlyǧyn jūmystan şyǧarǧanym. Bızdıŋ kompaniiada 22 adam boldy. Qazır tek bes adam qaldy jäne onyŋ bärı ūldar. Būl qyzdardyŋ qūqyǧyn şekteu me? Joq. Bılesızder, menıŋ tüsınıgımde, mal tabumen er adam ainalysuy kerek», – deidı ol.Onyŋ oiynşa, qyz balanyŋ öz jeter mūraty bar. Jūmysty er adam ısteuı kerek.
«Qyz bala odan joǧary. Endı qaraŋyz, men ony jūmystan şyǧardym. Mümkın, ol basqa jaqqa baryp bärıbır jūmys jasaidy ǧoi degen oi tuuy mümkın. Bıraq būl prosestı bıreu bastau kerek qoi. Bır er adam bastauy kerek. Ekınşıden, sol men jūmystan şyǧarǧan qyzdardyŋ ömır tarihynda, oiynda «sen mūndai jūmyspen ainalyspa, sen odan joǧarysyŋ dep» qalu kerek. Kezınde jūmystan şyǧarǧan degen oqiǧany sol qyzdar keiın tarih qyp aityp otyratyn bolady. Osylai özgerıs bastamasy bolsyn dep, er adamdardy eŋbekke şaqyryp, al qyz balalardy özınıŋ mūratyna arnau maqsatynda osyndai ūstanymymyzdy bız ıske asyra bastadyq», – degen ol videoda.Advokat Janna Mūhamadi jūmystan bosatylǧan äielderge ony sotqa beruge keŋes berdı.
«Men būl qyzdardy tauyp, konstitusiialyq qūqyqtarynyŋ būzyluy boiynşa osy käsıpkerdı sotqa bergım keledı. Tegıne, äleumettık, lauazymdyq jäne mülıktık jaǧdaiyna, jynysyna, näsılıne, ūltyna, tılıne, dınge közqarasyna, nanymyna, tūrǧylyqty jerıne bailanysty nemese kez kelgen özge jaǧdaiattar boiynşa eşkım eşkımdı kemsıtuıne bolmaidy»,– dep jazdy advokat äleumettık jelıdegı paraqşasynda. «Eŋ jamany, ol barşa käsıpkerlerdı äielderdıŋ bärın jūmystan şyǧaru kerek degen maǧynadaǧy bır fleşmobqa şaqyryp otyr. Bügınde Auǧanstan äielderınıŋ bılım alu men jūmys ısteu qūqyǧy şektelgen, ony qorǧaimyn degenderın atyp öltırıp jatyr. Al Qazaqstanda äielder jūmys ıstei almauy üşın olardyŋ jūmystan şyǧaryp jıberdı. Säikestık tym köp emes pe?» – dep jazdy advokat.
“Adyrna” ūlttyq portaly
