Aidos Sarym Qoǧamdyq damu ministrınıŋ ştattan tys keŋesşısı bolyp taǧaiyndaldy

Tanymal saiasattanuşy, memlekettık jäne qoǧam qairatkerı Aidos Sarym QR Qoǧamdyq damu ministrınıŋ ştattan tys keŋesşısı bolyp taǧaiyndaldy. Aidos Sarym 1975 jyly 10 qyrküiekte tuǧan. 1992 jyly Äl-Farabi atyndaǧy Qazaq ūlttyq universitetın «tarih» mamandyǧy boiynşa tämamdaǧan. Ol är jyldary QR Mūraǧattar men qūjattamalar bas basqarmasynyŋ bas inspektory, keŋesşısı, Qazaqstan strategiialyq zertteuler institutynyŋ ǧylymi qyzmetkerı, Atyrau oblysy Işkı saiasat departamentınıŋ direktory, QR Prezidentı Äkımşılıgınıŋ sektor meŋgeruşısı, «Aq jol» partiiasynyŋ baspasöz-hatşysy, keŋesşısı, «Naǧyz Aq jol» partiiasy teŋ töraǧasynyŋ keŋesşısı, «Jas Alaş» gazetı bas redaktorynyŋ orynbasary, QR Ūlttyq kıtaphanasy direktorynyŋ keŋesşısı qyzmetterın atqardy, dep habarlaidy Qamshy.kz aqparat agenttıgı. Aidos Sarym būl jönınde özı mynadai pıkır bıldırdı: "Ötkende qazaq köşı turaly ülken jiyn bolyp edı. Sol jiyndy ötkızgen kezde qazaq köşın jandandyru tūrǧysynda jol kartasyn daiyndau, qabyldau turaly ortaq şeşım qabyldanǧan bolatyn. Sony jürgızu maqsatynda, elımızdegı memlekettık emes ūiymdar men ministrlık arasyndaǧy qarym-qatynastardy damytu, qoldan kelgenşe däneker boluǧa kelısken edık. Bügın sonyŋ şeşımı şyqty. Bügınnen bastap Qoǧamdyq damu ministrı Darhan Käletaevtyŋ ştattan tys keŋesşısı degen qoǧamdyq jūmysqa kırıspekşımın. Jaqsy oi-ūsynystar bolsa jūrtpen kezıgıp, solardy ministrlık qūzyryna jetkızuge äzırmın. Būl jūmys eşbır osyǧan deiıngı tırlık pen mındettemelerge qaişy bolmaidy dep sanaimyn. "Jaŋa Qazaqstan" ūiymyndaǧy jūmysym da jalǧasa beredı".